Համլետ Մխիթարյանն իր ժամանակի լավագույն հայ ֆուտբոլիստներից մեկն էր, որը բարձր էր պահում Հայաստանի պատիվը, թե Խորհրդային Միության տարածքում, թե օտար երկրներում, սակայն 1996-ին, նա մահացավ ծանր հիվանդությունից՝ գլխուղեղի քաղծկեղից ընդամենը 33 տարեկան հասակում՝ չավարտելով իր մարզական կարիերան: Նա շատ վաղ լքեց իր որդուն՝ Հենրիխ Մխիթարյանին, ով այդ ժամանակ ընդամենը 7 տարեկան էր:
Սակայն նույն Հենրիխ Մխիթարյանն այսօր արդեն միջազգային մասշտաբի ֆուտբոլիստ է, որը հանդես է գալիս Եվրոպական առաջատար ակումներում: Նրան սիրում, հարգում և գնահատում են բոլոր հայերը: Հենրիխ Մխիթարյանն անկասկած բոլոր ժամանակների լավագույն հայ ֆուտբոլիստն է և չունի անգամ մրցակից: Նա է Հայաստանի ազգային հավաքականի պատմության լավագույն ռմբարկուն, 8 անգամ արժանացել է Հայաստանի լավագույն ֆուտբոլիստի կոչմանը, սակայն շատերն անգամ չգիտեն, որ Հենրիխ Մխիթարյանի կայացման և հաջողության հասնելու առիթն ու պատճառը ոչ միայն հոր հետ կապված հիշողություններն են, այլև նրա մայրն է՝ Մարինա Թաշչյանը, հայ կին, որն իր կյանքն է նվիրել հայկական ֆուտբոլի կայացմանը: Այս կինը փաստորեն կանգնած է 2 հայ առաջատար ֆուտբոլիստների թիկունքում և չկա նրա նման մեկ այլ հայ կին, որն այսքան ներդրում է ունեցել հայկական ֆուտբոլում, այսքան նվիրված է եղել և արժանացել նման հաջողության:
Մարինա Թաշչյանը մեծ տեղ և դեր ուներ նաև Հայաստանի ֆուտբոլի Ֆեդերացիայի կազմում, ղեկավարում էր ֆեդերացիայի ազգային հավաքականների բաժինը, իսկ նրա աղջիկը՝ Մոնիկա Մխիթարյանը, աշխատում է ՈՒԵՖԱ-ի կենտրոնակայանում: Երեկ՝ դեկտեմբերի 23-ին, Երևանում տեղի ունեցավ Հայաստանի ֆուտբոլի Ֆեդերացիայի գլխավոր քարտուղարի ընտրությունը, որը կարելի է համարել ոչ այլինչ, քան կեղծիք և նախապես պլանավորված շոու: Հայաստանի ֆուտբոլասեր հանրությունը սպասում էր, որ Հայատանում «թավշյա հեղափոխություն»-ից հետո պետք է գերակայի արդարությունը, սակայն ի՞նչ արդարության մասին էր խոսքը, երբ ընտրությանն իրականում ներկայացված էր միայն 1 անձի թեկնածություն և առանց այդ էլ պարզ էր, որ ընտրվելու է հենց ինքը: Այդ պաշտոնի համար պայքարում էր նաև «Լոռի» ակումբի հիմնադիր, ՀՖՖ գործկոմի անդամ Թովմաս Գրիգորյանը, որը ֆավորիտ թեկնածու չէր, քանի որ ասոցացվում էր «նախկին ռեժիմ»-ի հետ:
Միակ ընդունելի և սիրելի թեկնածուն՝ Խորեն Հովհաննիսյանն էր, ով անհասկանալի պատճառներով՝ հավանաբար ինչ-որ ճնշումների ազդեցության տակ, հանեց իր թեկնածությունը: Փաստացի ընտրության պահին մնաց միայն 1 թեկնածու՝ Արմեն Մելիքբեկյանը, որն էլ հենց ընտրվեց ՀՖՖ գլխավոր քարտուղար: Հենրիխ Մխիթարյանի մայրը ընտրություններին մասնակցում էր «Նորացված Փյունիկ» ՀԿ-ի կողմից, սակայն ՀՖՖ նորընտիր գործկոմն արեց ամեն ինչ, որպեսզի այդ ՀԿ-ի գործունեությունը կասեցվի, իսկ Մարինա Թաշչյանը հեռացվի ՀՖՖ գործկոմի անդամների ցուցակից: Այսինքն «թավշյա հեղափոխականներն» ամեն ինչ արեցին այս տիկնոջը ՀՀՖ-ից դուրս թողնելու համար, քանի որ նա նույնպես «նախկին ռեժիմի» հետ ասոցացվող մարդ է, և անգամ խոսակցություններ սկսեցին պտտվել, որ Հենրիխ Մխիթարյանը կարող է չհրավիրվել Հայաստանի հավաքական: Այսինքն, ամեն մի անձ, ով վերջին 20-25 տարիների ընթացքում աշխատել է ՀՖՖ-ում և զբաղեցրել պաշտոններ, անկախ իր ձեռք բերած հաջողություններից, այսօր համարվում է «նախկին ռեժիմի մնացորդ», «լափամանից օգտված անձ» և դարձվում վտարանդի: Նրանք բացառություն չարեցին անգամ Հայաստանի մեծագույն ֆուտբոլիստներից մեկի՝ Համլետ Մխիթարյանի կնոջ և Հայաստանի լավագույն ֆուտբոլիստի, ֆուտբոլասերների ամենասիրելիի և հպարտության՝ Հենրիխ Մխիթարյանի մոր համար՝ իր կյանքի մեծ մասը հայկական ֆուտբոլին նվիրած Մարինա Թաշչյանի համար:
ՀՖՖ գործկոմի նախագահի ընտրություններից հետո, Մարինա Թաշչյանը համարձակվեց բարձրաձայնել իր վրդոհվմունքն ու խոսեց լրագրողների հետ, կատարված ընտրություններն անվանելով պայմանավորված և խայտառակ շոու: Այս ամենն իսկույն բարկացրեց «թավշյա հեղափոխության» քաղաքական գործիչներին սատարող և սպասարկող անձնանց, ովքեր իսկույն սկսեցին սոցցանցերով և լրատվամիջոցներով հրպարակավ վիրավորել Մարինա Թաշչյանին՝ անպատվելով ամենավերջին խոսքերով, մեղադրելով «նախկին ռեժիմ»-ի հետ կապի, «լափամանից» օգտվելու և այլ մեղքերի մեջ: Անգամ վրա հասան ֆեյք լրատվամիջոցները և իշխանությանը սպասարկող ֆեյքերը, որոնք ինչ ասես գրեցին այդ կնոջ հասցեին։ Մեղադրանքներ են հնչում անգամ նույն Հենրիխ Մխիթարյանի հասցեին: Նրան և նրա մայրիկին մեղադրում են հայկական ֆուտբոլի անհաջողոթյունների և ֆուտբոլի ֆեդերացիայի «հերն անիծելու» համար:
Անկախ ամեն ինչից, Համլետ Մխիթարյանի, Մարինա Թաշչյանի և Հենրիխ Մխիթարյանի անունները՝ Հայկական ֆուտբոլի պատմության մեջ գրված են և կմնան ոսկե տառերով: Իսկ թե ով ավելի շատ կանիծի հայկական ֆուտբոլի հերը՝ ցույց կտա ժամանակը: Մինչ այժմ՝ ՀՖՖ նորընտրիր գործկոմը և ՀՖՖ գլխավոր քարտուղարը հասցրել են միայն տալ խոստումներ: Շուտով կանցնի «հեղափոխական» էյֆորիան և կգա խոստումների տակից դուրս գալու և պատասխան տալու ժամանակը:
Մարդիկ շուտով ուզելու են իմանալ, թե «թավշյա հեղափոխական» ՀՖՖ գործկոմի անդամները, գլխավոր քարտուղարն ու մյուս նորընտիր ղեկավարները ինչպե՞ս են հայտնվել այդ համակարգում, իրենց ո՞ր գիտելիքների, արժանիքների, մասնագիտական հմտությունների համար: