Իտալական սաֆարիի ժամանակ վարչապետի կողմից հնչեցրած «Ես սեր եմ քարոզում Տես Հիսուս Քրիստոսի նման…» բառերը շատերի մոտ, մեղմ ասած, տարակուսանք են առաջացրել: Եվ այս խոսքերը արտաբերում է այն մարդը, որը ստորակետով թվարկում է Նոր Կտակարանը և Աստվածաշունչը…
Սակայն մենք չենք տարակուսում, քանի որ վաղուց ենք հասկացել, որ մեկ տարուց ավել է գործ ունենք էքսցենտրիկ հոգեվիճակում գտնվող անձնավորության հետ: Այս ֆոնի վրա տեղին կլինի հանրությանը ներկայացնել այն անձանց ցանկը, որոնք մեր վարչապետի նման իրենք իրենց կոչում էին Հիսուս Քրիստոս:
Եվ այսպես՝ 20-րդ դարի Հիսուսներն են Ջիմ Ջոնս – «Ժողովուրդների Տաճար» աղանդի հիմնադիր, իրեն հռչակել է Հիսուսի, Էխնաթոնի, Բուդդայի, Վլադիմիր Լենինի մարմնավորում: 1978 թվականի նոյեմբերի 18-ին կազմակերպել է Ջոնսթաունի մասայական ինքնասպանությունը Գայանայում: Մի խոսքով, մարդասպան և խելագար: Մարշալ Էփլուայթ – ուֆոլոգիական նոր կրոնական ուսմունքի հոգևոր առաջնորդ:
Պաշտանմունքի այս դրսևորումը իրենից ներկայացնում էր դեստրուկտիվ աղանդ, որի անդամները, առաջնորդի հետ միասին, ինքնասպանություն են գործել այլմոլորակայինների տիեզերանավի հարձակումից խուսափելու համար: Մեհմեդ Ալի Աղջա – Հովհաննեղ Պողոս II նկատմամբ մահափորձ կատարած անձնավորություն, որն իրեն հայտարարել է Հիսուս Քրիստոս: Գրաբովոյ Գրիգորի Պյոտրի – ինքն իրեն հայտարարել է Քրիստոսի նոր մարմնավորում և հայտարարել է, որ կարող է վերակենդանացնել մահացածներին:
Դատապարտվել է խարդախության համար: Սյոկո Ասահարա – «Աում Սենրիկյո» աղանդի հիմնադիր, համարում էր իրեն Հիսուսի մարմնավորում: 1995 թվականի մայիսի 20 կազմակերպել է ահաբեկչական գործողություններ Տոկիոի մետրոյում զարին գազի կիրառմամբ, դատապարտվել է մահապատժի, որն ի կատար է ածվել անցած տարի: Յահվե Բեն Յահվե (իրական անունը՝ Հուլոն Միթչել) – սևամորթ ակտիվիստ և սեպարատիստ, 1979 թվականին Ազատության քաղաքում, Ֆլորիդայում ստեղծել է Յահվեի քաղաք: Մեղադրվել և մեղավոր է ճանաչվել դավադրություն կազմակերպելու մեջ և դատապարտվել է 18 տարի ազատազրկման:
Ինչպես տեսնում եք, այս մարդկանց, բացի նրանից, որ իրենք իրենց Հիսուս Քրիստոս են հռչակել, մեկ բան է միավորում՝ նրանց գործունեությունը շատ վատ ավարտ է ունեցել:
Ինչպես տեսնում եք, Կեղծ Հիսուսների այս ակումբում վարչապետ Փաշինյանը շատ վատ հարևաններ ունի: Ավելին, վարչապետի այս արտահայտությունը առավել անհանգստացնող է եկեղեցու և կրոնի դեմ Հայաստանի ներսում տարվող ակնհայտ արշավի ֆոնի վրա: Հայաստանում գտնվելիս վարչապետի պաշտոնը զբաղեցնող անձնավորությունը խրախուսում է Հայ Առաքելական Սուրբ Եկեղեցու պատմություն առարկան դպրոցական ծրագրից հանելը, իսկ Իտալիայում հանկարծ Հիսուսի նոր մարմնաորման կերպարով է հանդես գալիս:
Այստեղ կա երկու տարբերակ՝ կամ վարչապետը ամբոխահաճո օպորտունիստ է և ուղղակի ասում է այն, ինչ իր կարծիքով լսարանը այդ պահին ուզում է լսել, կամ վարչապետը կտրվել է իրականությունից և այլևս չի կարողանում հիշել, թե որտեղ ինչ է ասել: Մնում է հասկանալ, թե երկու տարբերակներից որի հետ գործ ունենք: