Հուսամ հաջորդ կանգառին կֆայմի ներողություն խնդրել․ Աշոտյանը խորհուրդ է տալիս Փաշինյանին դիմել հոգեբանի

Նախընտրական քարոզարշավը դեռ երեկ է մեկնարկել, սակայն քաղաքական ուժերը հասցրել են արդեն միմյանց հասցեին վիրավորական արտահայտություններ հնչեցնել, հեռակա բանավիճել։ Հիմնականում հեռակա բանավիճում, եւ միմյանց անցյալն ու ներկան են հիշեցնում «Իմ քայլը» դաշինքի եւ ՀՀԿ-ի թեկնածուները։ Փոխադարձ վիրավորանքների պակաս չի զգացվում։

«Որոշ ՀՀԿ-ականներ, Արմեն Աշոտյան, Շուշան Պետրոսյան, որոշել են արցախյան ազատամարտը պաշտպանել Սասուն Միքայելյանից. ձեր քաշի չափ ասկոլկա կա Սասուն Միքայելյանի մարմնում»: Այս մասին, այսօր՝ նոյեմբերի 27-ին, Սպիտակ քաղաքի հրապարակում բնակիչների հետ հանդիպման ժամանակ հայտարարել էր  ՀՀ վարչապետի պաշտոնակատար, «Իմ քայլը» դաշինքի ցուցակը գլխավորող Նիկոլ Փաշինյանը՝ անդրադառնալով նախօրեին Սասուն Միքայելյանի հայտարարության վերաբերյալ, թե այս հեղափոխությունն ավելի կարեւոր էր, քան արցախյան ազատամարտը, ՀՀԿ-ականների եւ Արցախի պաշտոնյաների բուռն քննադատությանը:

Irakanum.am հետ զրույցում ՀՀԿ փոխնախագահ, պատգամավորի թեկնածու Արմեն Աշոտյանը մեկնաբանելով Նիկոլ Փաշինյանի հայտարարությունը նշեց․ «Նիկոլ Փաշինյանը չի դադարում զարմացնել քաղաքական կյանք ներմուծելով ոչ միայն  քաղաքական գործչին, այլ նաեւ՝ տղամարդուն ոչ վայել բառապաշար։ Հասարակությանն եմ թողնում գնահատել, թե ինչ իրավունք ունի որեւէ տղամարդ խոսել կնոջ մասին մեջբերելով քաշը։ Ես, ոչինչ։ Իմ պատասխանները քաղաքական ասպարեզում նա միշտ ստացել ու կստանա, ու կոմպելքսավորված է եղել եւ կա ու կլինի ինձանից»,- ասաց Աշոտյանը, հավելելով, որ Նիկոլ Փաշինյանը մշտապես իրեն զիջել է իր քաղաքական «բագաժով» Հայաստանը ներկայացնելու ուղղությամբ։  «Բայց այն վիրավորանքը, որ նա հասցրել է Շուշան Պետրոսյանին, նրա որպես տղամարդու անվայել պահվածք է, ուր մնաց խոսել վարչապետի մասին»,- նշեց Աշոտյանը։

ՀՀԿ փոխնախագահը հույս է հայտնում, որ Նիկոլ Փաշինյանը ներողություն կխնդրի Շուշան Պետրոսյանից։ «Հուսամ հաջորդ կանգառին կֆայմի ներողություն խնդրել, թող ֆայմի, թող  հուշեն իր կողքին կանգնողները։ Առհասարակ ակնհայտ է, որ ակնհայտ է իր ներվայնությունը, բայց դա չի արդարացնում իրեն»,- շարունակեց Աշոտյանը։ Նա կարծում է, որ Նիկոլ Փաշինյանը իրեն դրել է դիկտատորի տեղ։ Ըստ նրա որեւէ մեկին չի հաջողվել վախեցնել ՀՀԿ-ականներին։

Ինչ վերաբերում է Նիկոլ Փաշիյանի՝ ՀՀԿ-ականների հասցեին հնչող վիրավորական արտահայտություններին, ապա Աշոտյանն ասաց, որ Փաշինյանը իր քաղաքական պատասխանը կստանա, չի բացառվում՝ իրավական։ «Բոլոր միջազգային դիտորդների ուշադրությունն եմ հրավիրում այս զարհուրհելի պահվածքին, կարծում եմ ժամանակն է, որ Նիկոլ Փաշինյանը դիմի մասնագիտական հոգեբանական աջակցության»,- եզրափակեց Արմեն Աշոտյանը։

Նմանատիպ նորություններ

Մի քանի սպաներ պաշտոնանկ են արվել. Արծրուն Հովհանն... Պաշտպանության նախարարի մամուլի քարտուղար Արծրուն Հովհաննիսյանն իր ֆեյսբուքի էջում գրառում է արել՝ անդրադառնալով մամուլի հրապարակմանը, համաձայն որի՝  Մ...
Ինչով է տարբերվում Լենինի շաբաթօրյակը Նիկոլի շաբաթ... Ինչպես հայտնի է համապետական շաբաթօրյակի անցկացման հեղնակը մեծ հեղափոխական Վլադիմիր Լենինն է,ով 1920թ անձամբ մասնացեց համասովետական շաբաթօրյակին Կո...
Զարմանալի զուգադիպությամբ ակտիվացել են հոկտեմբերի ... Զարմանալի զուգադիպությամբ ակտիվացել են հոկտեմբերի 27-հայտնի ցուցակի ներկայացուցիչները՝ Շիրխանյանը, որն իրեն վարչապետ էր կարգել, Ջհանգիրյանը, որին ...
Ռեժիսոր եւ սցենարի հեղինակ ԶՈՐԻԿ ՀՈՎՍԵՓՅԱՆԸ հանրու... «Քահանայի մեղքը» (Պրեմիերա) Ռեժիսոր եւ սցենարի հեղինակ ԶՈՐԻԿ ՀՈՎՍԵՓՅԱՆԸ հանրության դատին է հանձնել իր նոր «Քահանայի մեղքը» ֆիլմի անոնսը, որն իր...
Նիկոլն այլևս չի կարող քննադատելով իր հանապազօրյա հ... Նիկոլն այլևս ընդդիմադիր չէ, որ քննադատելով իր հանապազօրյա հացը վաստակի: Նիկոլը Հայաստանի ոչ բարով վարչապետն է և պետք է քարը քարին դնելով՝ ժողովրդի ...
Պարոնայք ղեկավարներ, արժան չգտա՞ք մի օր նվիրեք մեր...   Պարոնայք ղեկավարներ, արժան չգտա՞ք մի օր նվիրեք մեր որդիներին։ «Ապրիլի վերջին օրը նշում եք որպես քաղաքացու օր, իսկ պարոնայք ղեկավարներ...
Ստեփանավանում դպրոցականների էքսկուրսիան ավարտվել է... Քիչ առաջ արտակարգ դեպք է տեղի ունեցել Լոռու մարզում։ Shamshyan.com–ի հաղորդմամբ, ժամը 16։20-ի սահմաններում Արտակարգ իրավիճակների նախարարության ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով