Մայիսի 15-ից 27-ը Ռուս-հայկական մարդասիրական կենտրոնը, համաձայն աշխատանքային պլանի, Սևանա լճի տարածքում կազմակերպել և անց է կացրել ջրափրկարարների և ջրասուզակների վերապատրաստման դասընթացներ։
Դասընթացները վարում էին Սանկտ Պետերբուրգի հակահրդեհային ծառայության պետական համալսարանի «Հրշեջ-փրկարարական ստորաբաժանումների ծառայողների գործնական պատրաստության» ամբիոնի վարիչ, գնդապետ Ալեքսանդր Շիդլովսկին և դասախոս Սերգեյ Լեբեդևը։
Մասնակցում էին ՆԳՆ ՓԾ ՓՈՒՎ ՀՆՓԱԻ կենտրոնի ջրասուզական ջոկատի 3 և Սևանի հատուկ ջրափրկարարական ջոկատի 7 ջրափրկարար։
Դասընթացները կազմակերպված էին տեսական և գործնական փուլերով, որոնք ներառում էին ջրափրկարարական աշխատանքների իրականացման ընդհանուր սկզբունքներ, ջրասուզական աշխատանքների առանձնահատկություններ, ջրային տարածքների հաղթահարում, սուզում, տուժածների որոնողական, փրկարարական և անվտանգության ապահովման թեմաներ։
Դասընթացների ավարտին մասնակիցները հանձնեցին ստուգարք և ստացան մասնակցության հավաստագրեր։
