Բնակարանից ոսկեղեն էին գողացել ու բռնվել. ոստիկանության բացահայտումը

Մայիսի 4-ին Երևանի Ռուբինյանց փողոցում բնակարանային գողություն էր կատարվել: Տանտիրուհին մի քանի ժամով էր տնից բացակայել` ժամը 9-ից 17.30-ը: Այդ ընթացքում ինչ-որ մեկը տեխնիկական միջոցների գործադրմամբ բացել էր բնակարանի դռան փականն ու ննջասենյակի պահարանից գողացել ոսկյա զարդեր: Գողության մասին ահազանգը ոստիկանության Քանաքեռ-Զեյթունի բաժնում ստացվեց օպերատիվ կառավարման կենտրոնից՝ ժամը 17.35-ին: Տուն վերադարձած տանտիրուհին տեսնելով կատարվածը՝ 1-02 էր զանգել: Դեպքի վայր մեկնած քրեական հետախույզներն ուսումնասիրեցին տարածքն ու սկսեցին օպերատիվ միջոցառումները: Անհրաժեշտ էր ականատես վկաներ հայտնաբերել: Բայց բնակիչները որևէ կասկածելի անձ կամ մեքենա չէին նկատել: Հարուցվեց քրեական գործ, սկսվեց նախաքննություն։
Բացահայտման համար առանցքային նշանակություն ունեցան օպերատիվ ճանապարհով ձեռք բերված տվյալները, որոնք փաստում էին, որ գողությունը հնարավոր է կատարած լինեն երկու տղամարդ, որոնցից մեկը՝ Ավան-Առինջի, մյուսը՝ Սարի թաղի բնակիչ: Մայիսի 6-ին ոստիկանության Երևան քաղաքի վարչության և Ավանի բաժանմունքի ծառայողների հետ փոխգործակցության արդյունքում կասկածվողները հայտնաբերվեցին ու բերման ենթարկվեցին ոստիկանության Քանաքեռ-Զեյթունի բաժին, ապա ներկայացվեցին քննչական մարմնին: Նրանք կալանավորվել են: Գողոնը մասամբ հայտնաբերվել է: Հարուցված քրեական գործի նախաքննությունը շարունակվում է:

`Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Հետևեք մեզ Տելեգրամում՝ t.me/lurer4news

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։

5 × 5 =