Արցախից տեղահանվածները հերթական անգամ կառավարության շենքի մոտ են ու բողոքի ակցիա են իրականացնում։ Նրանք կրկին բարձրաձայնում են բնակարանների խնդրի մասին, ասում՝ անտուն են մնացել, իսկ Արցախ վերադառնալ ոչ բոլորն են ուզում,քանի որ պնդում են՝ Արցախում անվտանգ չէ, չեն ուզում նորից տուն կառուցել, հետո հանկարծ կրկին կորցնել այն։
Նշենք ,որ շաբաթ առաջ Արցախից տեղահանվածները կրկին այստեղ էին, որից հետո շարժվել էին Ֆրանսիայի դեսպանատուն։ Նրանց խոսքով՝ եթե ՀՀ ու ԱՀ կառավարությունները չլուծեն իրենց խնդիրը, պատրաստ են օգնություն խնդրել օտար երկրներից։ Այսօր էլ ակցիայի մասնակիցները պատրաստվում են կառավարության մոտից շարժվել ՄԱԿ-ի Հայաստանյան գրասենյակի դիմաց, այնտեղ ևս ակցիա իրականացնել։ Ակցիայի մասնակիցների թիվը գնալով մեծանում է, իսկ կառավարության շենքի մոտ ոստիկանական հերթական պատն է կազմվել։
»
