Մենք ճանապարհում ենք մեր ազգի համար թերևս ամենաողբերգական տարին, որի ընթացքում մենք կորցրինք մեր հազարավոր զավակներին, արյունով ազատագրված պատմական հողերը, մեր արժանապատվությունը, մեր վաստակած հարգանքը, վստահությունը, ուժը: Այս մասին Ամանորյա իր ուղերձում ասել է ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը:
«Մեր հայրենիքը հյուծված է, վիրավոր ու արյունաքամ, մեր ժողովուրդը գլխիկոր է հուսահատ»,-ասել է նա և նշել, որ փառք ու պատիվ մեր ընկած զինվորներին, հանուն նրանց մենք պետք է վերականգնենք մեր կորուստները, նախևառաջ վստահությունը, հարգանքը, զուգահեռ վերականգնենք մեր ուժը, այնուհետև մեր արժանապատվությունը, հայրենիքը:
«Մեր տոնը այժմ սուգ է, և այդպիսին կմնա այնքան ժամանակ, քանի դեռ մենք չվերագտնենք մեր արժանապատվությունը և չկարողանանք մեր հողին կանգնել ամուր ու հպարտ կեցվածքով, իրար նայել շիտակ ու ազնիվ հայացքով, աշխարհի հետ խոսել մեր լեզվով, և մենք կարող ենք և պարտավոր ենք դա անել: Ուրեմն 2021 թվականը թող լինի մեր արժանապատվությունը վերականգնելու մեկնարկի տարի, ամիսների, տարիների ընթացքում կորցրածը վերադարձնելու մեկնարկի տարի, մեր երազանքների հայրենիքը կառուցելու մեկնարկի տարի ի փառս նահատակված հերոսների և հանուն մեր ապագայի: Նոր տարի, նոր պայքար»,- ասաց նա:
Մանրամասները տեսանյութում։