Սանձարձակ երեսփոխան VS Մարդու իրավունքների պաշտպան

 

Այսօր Ազգային Ժողովում դարձյալ ականատես եղանք իշխող մեծամասնությունը ներկայացնող երեսփոխանի սանձարձակ «ելույթին»: Իրենից ոչինչ չներկայացնող ՔՊ-ական երեսփոխան, որին ընտրվելուց առաջ ոչ ոք չէր ճանաչում, ծայրահեղ ամբարտավան ձևով և գռեհիկ տոնայնությամբ քննադատում էր Հայաստանի Հանրապետության Մարդու իրավունքների պաշտպանի բավականին ծավալուն և բովանդակալից զեկույցը, ինչ-որ կոչեր էր հղում ՄԻՊ-ի հասցեին և սպառնում էր քաղաքական գնահատականով:

Զավեշտ է, որ այդ երիտասարդը այն աստիճանի զրկված է սեփական կարծիքից և սեփական բառապաշարից, որ բառացիորեն կրկնում է իր կուսակցության առաջնորդի բարբաջանքները այն մասին, որ իշխանության ներկայացուցիչները շարունակաբար ենթարկվում է հոգեբանական բռնության: Հատկանշական է, որ բռնությունից դարձյալ բողոքում է այն իշխանության ներկայացուցիչը, որը երկու տարի շարունակ ՀՀ-ում սերմանում է և տարածում է ատելություն, կիրառում է վերբալ բռնություն, սանձարձակ հայհոյանքներ տարածող ֆեյքերի բանակի օգնությամբ փորձում է ընկճել ընդդիմախոսներին և դիմում է այլ անընդունելի միջոցների իշխանությունը պահելու համար:

Վաղարշակ  Հակոբյանի  վարքի դրսևորումը Նիկոլ Փաշինյանի օրերս մատուցված ելույթի հետևանքն է: Իր ելույթում Փաշինյանը խանդավառությամբ մեղադրում էր բոլորին բացի իր կուսակից երեսփոխանից, որը հրահրել էր ծեծկրտուքը: Հենց դա է պատճառը, որ փաշինյանական թիմի առավել երիտասարդ և անփորձ ներկայացուցիչներն առիթավորվում են:

Ամենաթողության և անպատժելիության մթնոլորտում 29 տարեկանը չբոլորած և նախկինում ոչինչով աչքի չընկած, ոչ մի քաղաքական գործունեության փորձ չունեցող և ըստ վիքիպեդիայի ոչ մի օր ոչ մի տեղ չաշխատած մի անձնավորություն, որը ճակատագրի հեգնանքով հայտնվել է մեր հայրենիքի Ազգային Ժողովում իրեն թույլ է տալիս դրսևորել այդպիսի լկտի վարքագիծ: Ուշագրավ է նաև, որ սովորությանը համաձայն ԱԺ խոսնակը չսաստեց ամբիոնից սանձարձակ ձևով հոխորտացող ՔՊ-ական երեսփոխանին, սակայն երբ ՄԻՊ-ն իր խոսքի մեջ անդրադարձավ երիտասարդի հարձակումներին, շտապեց փորձել լռեցնել նրան:

Թեպետ երիտասարդն իր դժգոհությունը շատ լղոզված էր ներկայացրել և իր խոսքի մեծ մասը կազմում էին Փաշինյանի ելույթից copy-paste արած արտահայտությունները, ըստ էության պարզ դարձավ, որ երիտասարդը նույնիսկ իրեն նեղություն չէր տվել ընթերցել գոնե ՄԻՊ-ի ամբողջական զեկույցի բովանդակության էջը:

Մի բան էր հստակ՝ երիտասարդ երեսփոխանին զայրացրել էր, որ Մարդու իրավունքների պաշտպանի տարեկան զեկույցում քիչ ուշադրություն է դարձվում իշխանավորների հասցեին ատելության խոսքի, հոգեբանական բռնության և այլախոհների առկայությամբ խեղճ իշխանավորների համար ստեղծվող այլ անհարմարություններին:

Այստեղ հարկ ենք համարում հիշեցնել դեղնակտուց երեսփոխանին, որ ըստ միջազգային կանոնի՝ մարդու իրավունքների պաշտպանը ոչ թե պաշտպանում է պետությանը քաղաքացուց, այլ քաղաքացուն՝ պետությունից:

Եզրափակելով փաստենք, որ մեր հայրենիքի Ազգային Ժողովը օրվա իշխանության թեթև ձեռքով վերածվել է միջնադարյան Բաղդադի շուկայի: Պարոն Թաթոսյանի այսօրվա պատվախնդիր արձագանքը ՔՊ-ական պատգամավորի լկտի պահվածքին միայն հարգանքի է արժանի: Սակայն ցավոք ամենայն հավանականությամբ այդ լկտի պահվածքը դատապարտող ոչ մի խոսք չենք լսի ոչ ֆրակցիայի ղեկավարից, ոչ էլ Փաշինյանից:

Նատալյա   Սաղիյան

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Ստիպված եմ հերթական անգամ հիասթափեցնել Ռուբեն Հայրապետյանին մեղավոր կարգողներին…».Ամրամ Մակինյան

22.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով