Տավուշի մարզի Ոսկեվան համայնքում հակառակորդի կրակոցից վիրավորում ստացած երեխան արդեն Երևանում է` «Սուրբ Աստվածամայր» բժշկական կենտրոնում:Այս մասին ֆեյսբուքյան իր էջում հայտնել է բուժկենտրոնի մամուլի խոսնակ Գևորգ Դերձյանը:
«Վիճակը բժիշկները գնահատում են կայուն ծանր։ Երեխային տեղափոխել են վերակենդանացման բաժանմունք: Վերջինս ստացել է հրազենային վնասվածք՝ կրծքավանդակի շրջանում, իրականացվել է անհրաժեշտ առաջին բուժօգնությունը։ Նոյեմբերյանի բուժկենտրոնում կատարվել է վիրահատություն:
Կտրվի հավելյալ տեղեկություն»,- տեղեկացրել է Դերձյանը:
Հիշեցնենք, որ մարտի 30-ին 19:40-ի սահմաններում Տավուշի մարզի Ոսկեվան գյուղում ադրբեջանական զինված ուժերի կրակոցից երեխա էր վիրավորում ստացել:
Տավուշի մարզի՝ հայ-ադրեջանական շփման գծում ադրբեջանական զինուժի կողմից տեղի էր ունեցել դիվերսիոն ներթափանցման փորձ, որ հայ դիրքապահների կողմից հետ է շպրտվել ելման դիրքեր:
