Ի դեմս նոր կորոնավիրուսի, համաշխարհային առողջապահական հանրությունը գործ ունի կենսաբանական զենքի հետ: Այս մասին republica.am -ին տված հարցազրույցում հայտարարեց «Մեկ Առողջություն» կոալիցիայի առաջնորդ, ՍԱՊԾ նախկին պետ, Գրիգոր Գրիգորյանը:Փորձագետի խոսքով, այսօր չկան հիմքեր վստահելու ՀՀ առողջապահության նախարարության պաշտոնյաների հայտարարություններին` կորոնավիրուսի վտանգի և իրավիճակի վերաբերյալ: «Սույն տարվա հունվար ամսին չգիտես որ հաշվարկների արդյունքների հիման վրա ՀՀ առողջապահության փոխնախարարը հայտարարում էր, որ Հայաստանը գտնվում է ցածր ռիսկային գոտում, սակայն արդեն այսօր մենք տեսնում ենք, որ այդ վտանգը ահաբեկում է մեր հանրապետության բնակչությանը», – հայտնեց Գրիգորյանը:Մասնագետը կոչ է անում պահպանել հիգիենայի կանոնները, խմել շատ հեղուկ, երթևեկել դիմակներով, խուսափել մարդաշատ միջոցառումներից և հիվանդության ախտանշանների առկայության դեպքում չզբաղվել ինքնաբուժությամբ, այլ դիմել համապատասխան բուժհաստատություն:
Գրիգորյանը նաև կոչ է անում ՀՀ բնակիչներին մոտակա քսան օրերին զերծ մնալ փողոցային հավաքներից և երթերից, քանի որ նույնիսկ մեկ վարակված անձի մասնակցությունը նման միջոցառումներին կարող են սկիզբ դնել այդ վարակի տարածմանը:
