Համակարգային կոռուպցիան իբր արմատախիլ անելու նպատակով բաժանվող լրավճարները, պարգևավճարներն ու հավելավճարները քանի՞ տոկոսով են բարձրացրել խորհրդարանի աշխատանքի արդյունավետությունը, պ
ատվարժան վարչապետ: Ոչ մի, դեռ մի բան էլ նվազեցրել են: Եվ եթե դրական տեղաշարժ չկա, ի՞նչ տարբերություն գումարները մսխվում են ինստիտուցիոնա՞լ, թե՞ արտաինստիտուցիոնալ ճանապարհներով:
Օրինակ ԱԺ-ն անցնող մեկ տարվա ընթացքում բացի վնասից ի՞նչ օգուտ է տվել հանրապետությանը. 98 կողմ ձայնով ապօրինի կերպով ՍԴ է գործուղել մեկին, ով ոչինչ չանելու դիմաց հունիս ամսից պետբյուջեից ստանում է ամսական ավելի քան 1 մլն աշխատավարձ, իշխող խմբակցությունը գրեթե ողջ կազմով մասնակցում էր դատարանների արգելափաման հակասահմանադրական օպերացիային, վարդավառին Բաղրամյան պողոտայում խալի էր լվանում, ծափահարում էր ամբիոնից ելույթ ունեցող տրանսգենդերներին…:
Շարքն անվերջ կարելի է թվարկել, բայց որպեսզի այն չլինի անօգուտ, Նիկոլով ու նրա թիմով խանդավառվածներին մի հանգամանք էլ կհիշեցնեմ. եթե այսօր էլ շարունակում է թվալ, որ ամենազոր ժամանաը ամեն բան կգցի իր տեղը, դա միայն ձեզ է թվում… և այդպես թվալու է անընդհատ:
