ԱԱԾ տնօրենի ԺՊ-ն վստահեցնում է՝ Վանեցյանը չի ձերբակալվելու.«Հրապարակ»

Մամուլում այսօր տեղեկություն էր տարածվել, թե ԱԱԾ նախկին տնօրեն Արթուր Վանեցյանին ձերբակալելու որոշում կա, միայն թե դեռևս օրը հայտնի չէ։

ԱԱԾ տնօրենի ժամանակավոր պաշտոնակատար Էդուարդ Մարտիրոսյանն այսօր այս թեմայով լրագրողների հարցերին ի պատասխան՝ ուղիղ յոթ անգամ «ոչ» ասաց՝ վստահեցնելով, որ Վանեցյանը չի ձերբակալվելու։

«Պետք չի էդ ձև ստահոդ լուրեր տարածել, ո՞վ ա տարածում էդ լուրերը, ի՞նչ ձերբակալության մասին է  խոսքը»,-ասաց Մարտիրոսյանը՝ պնդելով, որ հերքում է Վանեցյանի ձերբակալման մասին լուրերը։