Իրանում ՀՀ լիազոր և արտակարգ դեսպանն ասաց. «Պատրաստ ենք Իրանին օգնել շրջանցելու պատժամիջոցները ու նաև տնտեսական գործարարների եվրասիական շուկա մուտք գործելու հնարավորություն ստեղծել»:
ԻՌՆԱ-ի հաղորդման համաձայն Արտաշես Թումանյանը Շիրազ քաղաքում Ֆարսի նահանգապետի հետ հանդիպման ժամանակ անդրադառնալով Ֆարսի տարածքի պատմա-մշակութային ու գեղարվեստական հարուստ անցյալին հավելեց. «Հայաստանի ժողովուրդը շարունակ բարեկամական հարաբերություններ է ունեցել Իրանի ժողովրդի հետ և ձգտում ենք այս հարաբերությունների առավել ամրապնդմանը»:
«Այս պահին Հայաստանի և Իրանի ու Ֆարս նահանգի միջև տարբեր բնագավառներում համագործակցության հնարավորություն գոյություն ունի և մենք ցանկանում ենք ընդլայնել այս հարաբերությունները»,-հայտարարեց Իրանում ՀՀ դեսպանը:
Արտաշես Թումանյանն ընդգծեց, որ իր երկիրը տեղեկատվական տեխնոլոգիաների բնագավառում տարածաշրջանում հատուկ դիրք է զբաղեցնում և տարեկան այդ ոլորտից մեկ միլիարդ դոլար եկամուտ է վաստակում:
Հանդիպման ժամանակ Ֆարսի նահանգապետ Էսմայիլ Թաբադարը հարևան երկրների հետ հարաբերությունների ընդլայնումն ԻԻՀ-ի արտաքին քաղաքականության գերակայություններից համարեց և ասաց. «Նկատի առնելով գոյություն մշակութային ընդհանրություններն ու առնչություններն անկասկած Հայաստանը այդ հարաբերությունների զարգացման ոլորտում առաջնային տեղ է զբաղեցնում»:
Parstoday