Մահացել է Ստանիսլավսու անվան դրամատիկական թատրոնի գեղարվեստական ղեկավար Ալեքսանդր Գրիգորյանը

Երկարատեւ հիվանդությունից հետո, ժամեր առաջ 81 տարեկանում կյանքից հեռացել է ՀՀ ժողովրդական արտիստ, բեմադրիչ, ռեժիսոր, Կ. Ստանիսլավսկու անվան ռուսական դրամատիկական թատրոնի գեղարվեստական ղեկավար Ալեքսանդր Գրիգորյանը: Այս մասին ֆեյսբուքյան իր էջում գրառում է կատարել ռեժիսորի որդին:

Ալեքսանդր Սամսոնի Գրիգորյանը ծնվել է Բաքվում 1936թ օգոստոսի 20-ին1956 թ. փորձել է ընդունվել Մոսկվայի թատերական ինստիտուտ, սակայն քննությունները հաջողությամբ չի հանձնել։ Ավարտել է Լենինգրադի թատրոնի և կինոյի պետական ինստիտուտը՝ ուսանելով Լեոնիդ Վիվիենի կուրսում։

1962-1965 թթ. — Սմոլենսկի շրջկենտրոնի թատրոնի գլխավոր ռեժիսոր։

1964 թվականից — Երևանի Կ. Ստանիսլավսկու անվան ռուսական պետական դրամատիկական թատրոնի գեղարվեստական ղեկավար և գլխավոր ռեժիսոր։

2000 թ. Երևանի թատրոնի և կինոյի պետական ինստիտուտում հիմնադրել է դերասանական վարպետության ռուսական կուրս։

Բեմադրությունները ̀

  • Լերմոնտով՝ «Դիմակահանդես»։
  • Գոգոլ՝ «Ռևիզորը»։
  • Սուխովո-Կոբիլին՝ «Տարելկինի մահը»։
  • Շեքսպիր՝ «Մակբեթ»։
  • Յու.Պոլյակով՝ «Աֆրոդիտեի ձախ կուրծքը»։
  • Յու.Պոլյակով՝ «Համադասարանցիները»։
  • Վ.Ռոզով՝ «Մենք լավ ենք ապրում»։
  • Ա.Շիրվանզադե՝ «Մորգանի խնամին»։
  • Գ.Սլուցկի՝ «Մոլագարը»։
  • Ս.Դովլաթով՝ «Նախկինում մենք ապրել ենք սարերում»։
  • Ա.Պապայան՝ «Փեսացուն արտասահմանից» (Օդեսայի թատրոն)։
  • Ջ.Օրտոն՝ «Ինչ տեսավ պալատականը» (Յարոսլավլի թատրոն)։
  • Ա.Ցագարելի՝ «Խանումա» (Յարոսլավլի թատրոն)։
  • Ռ.Կոլինոսկի՝ «Լուսնի հրեշը» (Չեխովի անվան Մոսկվայի գեղարվեստական թատրոն, Չիտայի թատրոն)։

Բեմադրել է ավելի քան 150 ներկայացում Երևանում, Մոսկվայում, Սանկտ-Պետերբուրգում, Յարոսլավլում, Վոլգոգրադում, Կալինինգրադում, Օդեսայում, Լվովում, Քիշնևում, Բուլղարիայում, Ռումինիայում, Հարավսլավիայում, Սլովակիայում, Լեհաստանում, Հունգարիայում և այլուր։

Պարգևատրվել է ̀

  • ՀԽՍՀ ժողովրդական արտիստ (1978)։
  • Ռուսաստանի Դաշնության արվեստի վաստակավոր գործիչ (1999)։
  • Ստանիսլավսկու միջազգային թատերական մրցանակի դափնեկիր «Արտասահմանյան բեմում ռուսական դասական արվեստի ավանդույթների զարգացման համար» անվանակարգում(2000)։
  • Սմոկտունովսկու միջազգային թատերական մրցանակի դափնեկիր (2000)։
  • ՀՀ Պետական մրցանակի դափնեկիր։
  • Բարեկամության շքանշան (Ռուսաստան) (2007)։
  • Թատրոնի միջազգային ակադեմիայի ակադեմիկոս (2010)։
  • Երևանի պատվավոր քաղաքացի (2012)։
  • «Հայրենիքին մատուցած ծառայությունների համար» 1-ին աստիճանի մեդալ (2012)։
  • ՀԹԳՄ «Արտավազդ» մրցանակի դափնեկիր լավագույն ռեժիսուրայի համար (2013)։
  • Երևանի թատրոնի և կինոյի պետական ինստիտուտի պրոֆեսոր։
  • «Հայրենիքին մատուցած ծառայությունների համար» 1-ին աստիճանի շքանշան (2017)

 

Նմանատիպ նորություններ

Կամ վարչապետը պետք է պատասխանատվության ենթարկվի, կ... Կամ վարչապետը պետք է պատասխանատվության ենթարկվի նախկին նախագահի բարի համբավը, նաև պետական կարևորագույն ինստիտուտը վարկաբեկելու համար, կամ նախկին նախագ...
Կոտայքի մարզպետը եթե չգիտի ասեմ,որ ձեր մարզում նոր... Կոտայքի մարզպետը եթե չգիտի ասեմ,որ ձեր մարզում նոր զիբիլանոցա ուզում բացվի: Աշխարհագրական կոորդինատներն են Գեղադիր և Ողջաբերդ գյուղերի արանքը: Ավե...
Նարեկ Մալյանի գործով «Ռեստարտի» ևս 4 անդամի մեղադր... Նախկին ոստիկանապետ Վլադիմիր Գասպարյանի խորհրդական Նարեկ Մալյանի և «Ռեստարտ» նախաձեռնության անդամների միջև տեղի ունեցած դեպքի առթիվ «Ռեստարտ» նախաձ...
Իշխանության վարկանիշը իջնում է անասելի արագությամբ... Մամուլը գրում է,որ ռեֆորմիստները սկսում են բողոքի ակցիաներ:Այո նման քննարկում իրոք եղել է մեր կառույցներում,սակայն այս պահին նման որոշում չկա: ...
«Կարիք չկա Ֆեռարիով իրեն հասնել, որովհետեւ Նիկոլ Փ... Փաշինյանի կառավարումը վերածվել է մեքսիկական սեիալի՝ սելֆի-լայվ-ասուլիս, սելֆի-լայվ-ասուլիս. սա է նրա 11 ամսվա կառավարման բնութագիրը,- Henaran.am -...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով