«Փաստ» օրաթերթը գրում է.«Հայաստանի ֆուտբոլի ֆեդերացիան ամփոփել է «VBET Հայաստանի Պրեմիեր Լիգայի՝ 2021/2022 մրցաշրջանի լավագույն ֆուտբոլիստ» և «VBET Հայաստանի Պրեմիեր Լիգայի՝ 2021/2022 մրցաշրջանի լավագույն մարզիչ» անվանակարգերում քվեարկության արդյունքները: ՀՖՖ-ից տեղեկացնում են, որ հավաքելով 58 միավոր` VBET Հայաստանի Պրեմիեր Լիգայի՝ 2021/2022 մրցաշրջանի լավագույն ֆուտբոլիստ է ճանաչվել մրցաշրջանը «Փյունիկում» անցկացրած, իսկ ներկայումս «Արարատ-Արմենիա» տեղափոխված հարձակվող Ուգո Ֆիրմինուն:
56 միավորով երկրորդ հորիզոնականում է մրցաշրջանը «Արարատում» և «Փյունիկում» անցկացրած հարձակվող Սերժ Դեբլեն: 28 միավորով երրորդ տեղում է Հայաստանի ազգային հավաքականի և «Արարատի» պաշտպան Հրայր Մկոյանը:
Հավաքելով 97 միավոր՝ VBET Հայաստանի Պրեմիեր Լիգայի՝ 2021/2022 մրցաշրջանի լավագույն մարզիչ է ճանաչվել Երևանի «Փյունիկի» գլխավոր մարզիչ Եղիշե Մելիքյանը:
61 միավորով երկրորդ հորիզոնականում է «Նորավանքի» գլխավոր մարզիչ Վահե Գևորգյանը: 27 միավորով լավագույն եռյակը եզրափակել է նախորդ մրցաշրջանում «Արարատ-Արմենիան» գլխավորած, իսկ ներկայումս «Ուրարտուն» գլխավորող Դմիտրի Գունկոն: Հավելենք, որ քվեարկությանը մասնակցել է նաև «Փաստ» օրաթերթը: Մեր ընտրությունն այսպիսի տեսք ունի.
Լավագույն ֆուտբոլիստ
1. Հրայր Մկոյան,«Արարատ»
. Սերժ Դեբլե, «Արարատ»,«Փյունիկ»
3. Ստյոպա Մկրտչյան, ԲԿՄԱ
Լավագույն մարզիչ
1. Եղիշե Մելիքյան, «Փյունիկ»
2. Վահե Գևորգյան, «Նորավանք»
3. Վարդան Բիչախչյան, «Արարատ»:
Մանրամասները՝ «Փաստ» օրաթերթի այսօրվա համարում
