Հարուցվել է քրեական գործ՝ մահվան ելքով ճանապարհատրանսպորտային պատահարի դեպքի առթիվ

ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 242-րդ հոդվածի 2-րդ մասի հատկանիշներով հարուցվել է քրեական գործ, որի շրջանակներում քննություն է տարվում՝ Երևան քաղաքի Ծովակալ Իսակովի պողոտայում տեղի ունեցած մահվան ելքով ճանապարհատրանսպորտային պատահարի դեպքի հանգամանքները պարզելու ուղղությամբ:

Նախնական տվյալներով, 2022թ. մայիսի 6-ին՝ ժամը 06:30-ի սահմաններում, հիշյալ վայրում, 1991թ. ծնված տղամարդը, իր վարած «TOYOTA COROLA» մակնիշի ավտոմեքենայով ընդհարվել է էլեկտրասյանը, որի հետևանքով տեղում մահացել է:

Հետևեք մեզ Տելեգրամում՝ t.me/lurer4news

Կատարվել են դեպքի վայրի և տրանսպորտային միջոցի զննություններ: Նշանակվել են համապատասխան փորձաքննություններ:

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։

11 − two =