Երեկ՝ նոյեմբերի 17-ին, ողբերգական ավտովթար է տեղի ունեցել Սյունիքի մարզում: Այս մասին տեղեկացնում է shamshyan.com-ը:
Ժամը 23:30-ի սահմաններում Վայոց Ձորի մարզի բնակիչ, 56-ամյա Լևոն Կարապետյանը իր վարած Scania R420 մակնիշի բեռնատարով Երևան-Մեղրի ավտոճանապարհի 195.5-րդ կմ հատվածում դուրս է եկել հանդիպակաց երթևեկելի գոտի, բախվել ճանապարհի արգելապատնեշին և կողաշրջվել ճանապարհի ձախակողմյան գոտում:
Ինչպես հայտնում է ֆոտոլրագրող Գագիկ Շամշյանը, վթարի հետևանքով Լ. Կարապետյանը տեղում մահացել է: Նրա դին ավտոմեքենայից դուրս են բերել օպերատիվորեն ժամանած Արտակարգ իրավիճակների նախարարության փրկարար ծառայության Սիսիանի թիվ 57 հրշեջ-փրկարարական ջոկատի փրկարարները:
Գ. Շամշյանի տեղեկություններով՝ մահացածը աշխատում էր «Մարկո Գրուպ» ՍՊԸ-ում՝ որպես վարորդ: