«Հեղափոխության» անվան տակ հետևողականորեն կազմաքանդվում է ամեն բան, ինչը կապ ունի ազգայինի հետ: Շատ-շատերն են սկսել կարծես բարձրաձայնել այս մասին, բայց թվում է՝ չկա բավարար գիտակցում այն բանի, թե որն է խորքային պատճառը: Իսկ պատճառն իմ կարծիքով դեռ 90-աաններից երկիրը «ազատ» բեմահարթակի վերածելն էր: «Հեղափոխությունն» ընդամենը լրացուցիչ տեմպ հաղորդեց ինքնության հենասյուների կազմաքանդմանը:
Ազգայինի բացակայությունն այսօր մի տեսակ երկիրը վեր է ածել «դագաղի արհեստանոցի», որտեղից նույնիսկ հետագայում է շատ դժվար լինելու նոր «դերասանախմբով ու խաղացանկով» կրկին ստեղծագործական դարբնոցի վերափոխել Հայաստանը, ինչպիսին եղել է այն խորհրդային տարիներին։
