Տեղեկացա Արսեն Բաբայանի գրառման վերաբերյալ՝ ի արձագանք Նիկոլ Փաշինյանի երեկվա ելույթին ԱԺ-ում:
Իմ ընկերները արդեն կոչ արել են նման հայտարարություններ անողներին՝ «Մի՛ եղեք Նիկոլի նման» և ես էլ նույն կոչը ուղղում եմ հարգելի Արսեն Բաբայանին:
Եթե ճիշտ եմ հիշում, նա վերջերս հայտնեց հանրությանը, որ ընդունել է նախկին ԱԱԾ տնօրեն Արթուր Վանեցյանի կողմից ակտիվ քաղաքականությամբ զբաղվելու առաջարկը:
Կարծում եմ, նոր ստեղծված քաղաքական միավորի ղեկավար կազմը շատ ավելի շատ ժամանակ պետք է հատկացնի սեփական քաղաքական թիմը ոտքի կանգնեցնելու աշխատանքներին, քան որոշելու, թե ո՞վ է գալու Նիկոլ Փաշինյանից հետո իշխանության:
Եթե ուզում եք Նիկոլ Փաշինյանին ճանապարհելու մեջ լումա ունենալ և իրենից հետո գալացողների մեջ ևս ազդեցություն ունենալ, ապա փորձեք ոտքի կանգնեցնել ձեր սեփական քաղաքական ուժը, միավորը:
Իսկ մնացածը ժողովուրդն է որոշելու:
Հարգանքներով `Տիգրան Վարդանյան