«Բացարձակապես հումորի վերածելու ցանկություն չունեմ, բայց, օրինակ՝ հղի կնոջը վարակելու դեպքին անդրադառնանք, այդ պահին ո՞նց ենք ճշտում՝ հղի կնո՞ջ ենք վարակում, թե ոչ».Գևորգ Պետրոսյան

Քրեական օրենսգրքի ու Վարչական իրավախախտումների մասին օրենսգրքի նախագծերի փաթեթում կատարվել են լրացումներ, որոնց անվերապահ համաձայնել չենք կարող: Այս մասին ԱԺ արտահերթ նիստի մտքերի փոխանակության ընթացքում հայտարարեց ԱԺ «Բարգավաճ Հայաստան» խմբակցության պատգամավոր Գևորգ Պետրոսյանը՝ նշելով նաև, թե խմբակցությունը գնահատում է Կառավարության արագ արձագանքը՝ ստեղծված իրավիճակի վերաբերյալ:

«Բացարձակապես հումորի վերածելու ցանկություն չունեմ, բայց, օրինակ՝ հղի կնոջը վարակելու դեպքին անդրադառնանք, այդ պահին ո՞նց ենք ճշտում՝ հղի կնո՞ջ ենք վարակում, թե ոչ: Պետք է կարևորել մի բան՝ մարդու պատասխանատվությունը կախման մեջ դնել նրա դիտավորությունից. վտանգավորությունը դիտավորության մեջ է, որ մարդը հաստատապես իմանա՝ ում ինչ վնաս է պատճառոմ, իսկ այս դեպքում ստացվում է՝ մարդը կարող է ոչ դիտավորյալ, բայց վարակել հղի կնոջը: Դնել ասել՝ հղի կնոջը վարակել ես, երբ դու բացարձակապես չունես և չէիր կարող ունենալ տեղեկություն նրա հղիության վիճակի մասին, և դրա համար տանել մարդուն խիստ պատասխանատվության ենթարկել, չի բխում արդարության սկզբունքից»,-նկատեց Պետրոսյանը:

Պատգամավորը նշեց, թե որոշակի նկատառումներ ունեն նաև տուգանքի չափի վերաբերյալ. «Այսօր մենք պետք է հաշվի առնենք մեր բնակչության մեծամասնության վիճակը. որևէ մեկը «լեն օրից» չի վարակվի, որ գնա մի հատ էլ ուզենա ուրիշին վարակել ու դրա համար պատասխանատվություն կրել»,-ասաց նա:

Վերջինս հայտարարեց, որ այնուամենաայնիվ, «Բարգավաճ Հայաստանը» դրական տրամադրվածություն ունի նախագծի նկատմամբ, հատկապես որ հաշվի են առնվել խմբակցության առաջարկությունները:

Հիշեցնենք, որ մարտի 20-ին Ազգային ժողովն առաջին ընթերցմամբ ընդունեց կառավարության առաջարկած օրենքի նախագիծը, որով սահմանվում է՝ արտակարգ դրության ժամանակ մեկուսացման կամ ինքնամեկուսացման պահանջները խախտելը, որը անզգուշությամբ առաջացրել է մարդկանց զանգվածային հիվանդացում, պատժվում է կալանքով մինչև 3 ամիս ժամկետով կամ ազատազրկմամբ առավելագույնը 5 տարի ժամկետով:

«ԱԺ պատգամավոր Արփի Դավոյանն է հեղափոխությունից առաջ և հետո».Նարեկ Մալյան

17.05.2020

Դեղերդ խմիր, տուպիցա.Աննա Հովները՝Փաշինյանին

19.05.2020

Նոր կոռուպցիոն սխեմա՞. հայտնի եռյակը դիմակի բիզնես է սկսո՞ւմ Հայաստանում

17.05.2020

«Եթե տղամարդ լինեիր, կարող ա պահանջեի ներողություն խնդրել գռեհիկ բառապաշարիդ համար, բայց ավաղ».Անժելա Էլիբեկովան`Ստոյպա Սաֆարյանին

17.05.2020

«Նիկոլ Փաշինյան ա’յ` անանուն հոդվածագիր բավական է,սթափվեք». Գարիկ Ուրումյան

18.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով