Հայաստանում կորոնավիրոսով վարարակիրների թվի ավելացմանը զուգահեռ ձևավորվում են տարբեր հիմնադրամներ, որոնք պատրաստակամություն են հայտնում օգնություն տրամադրել վարակակիրներին և ընդդեմ կորոնավիրուսի պայքարին լծված կամավորներին:
168.am-ը փորձեց պարզել արդյոք վարչապետ Նիկոլ Փաշինյանի կնոջ ղեկավարած «Իմ քայլը» հիմնադրամը պատրաստվո՞ւմ է նվիրաբերված միջոցներից օգնություն հատկացնել կորոնավիրուսով վարակված մեր քաղաքացիներրին, կամավորներին և բժիշկներին:
Մեր հարցին ի պատասխան Աննա Հակոբյանի մամուլի խոսնակ Հասմիկ Հարությունյանը նշեց. «Պայմանավորված Հայաստանում նոր տիպի կորոնավիրուսի լայն տարածմամբ ‹‹Իմ քայլը›› հիմնադրամը, ստանձնելով սոցիալական պատասխանատվություն, դիտարկում է խոցելի վիճակում գտնվող տարեցներին աջակցելու հնարավորությունը։ Ներկա դրությամբ Հիմնադրամի աշխատակիցները իրականացնում են խորհրդակցություններ, ուսումնասիրություններ՝ հասկանալու համար կարիքները՝ ըստ այդմ կհստակեցվեն նաև հետագա անելիքները»:
