Վարչապետին վիճակագրական մի տվյալ հուշեմ, թող դրա վերբերյալ գրառում կատարի իր էջում, ու էլ խմբագրելու կարիք հատատ չի լինի: 2019 թվականին արձանագրվել է նորանկախ Հայաստանի բնակչության ամենացածր թիվը՝ 2 մլն 965 հազար մարդ: Տվյալը հրապարակել է Ազգային վիճակագրական կոմիտեն: Ի՞նչ է սա նշանակում, որ հեղափոխությունը բլեֆ էր նաև ժողովրդագրական ակնկալիքներ ձևավորելու առումով, որ ընդհանուր առմամբ չկա արժանահավատություն Հայաստանում տեղի ունեցող փոփոխությունների նկատմամբ, որ 2050 թ. 5 միլիոն բնակչությամբ Հայաստանը հերթական ունայն հայտարարությունն էր դատարկամիտների բանակի համար:
Ավելին, ժողովրդագրական ցուցանիշի անկման տեսնելի միտումը շարունակում է պահպանվել և դա պայմանավորված է կառավարության ազդեցությամբ ընթացող քաղաքական ողջ գործընթացի սնանկությամբ: Կառավարության գործունեության արդյունավետությունը հնչեցված հայտարարություններով չափելն անմիտ է, իսկ հայտարարությունից դուրս որևէ տեանելի, հեռանկարային ու խելամիտ նախաձեռնություն չկա: Լավագույն դեպքում դրնանք կրում են կարճաժամկետ կամ օպերատիվ բնույթ: Այնպես, որ 2020 թ.ժողովրդագրական ցուցանիշների անկման պատկերը նույնպես լինելու է օրինաչափ:
