Հայտնի ասույթ է՝ յուրաքանչյուր կայացած տղամարդու թիկունքում ուժեղ կին է կանգնած: Երկրորդ նախագահ Ռոբերտ Քոչարյանի կյանքի ընկերուհին դասվում է այդպիսի ուժեղ, հավասարակշիռ, խելացի և միաժամանակ՝ անչափ կանացի և նուրբ կանանց շարքը:
Նրանց կյանքը կապել է դեռևս դպրոցական նստարանից, թեև որպես զույգ նրանք կայացել են արդեն հասուն տարիքում: Ամբողջ ղարաբաղյան պատերազմը, 1990-ականների ամբողջ շարժումը, բոլոր հաջող և անհաջող օրերը Բելլա Լևոնովնան եղել է ամուսնու հավատարիմ ընկերը:
Մի՞թե կարելի է անտեսել ու չգնահատել այդ կնոջ զրկանքներն ու առաքինությունը, երբ նա անչափահաս երեխաների հետ տարիներ շարունակ բնակվել է նկուղում, քանի որ Քոչարյանը, որպես հրամանատար, հրաժարվել էր դուրս բերել ընտանիքը պատերազմական գոտուց:
Այսօր Բելլա Քոչարյանի ծննդյան օրն է, ինչի առթիվ շնորհավորում եմ նրան, մաղթում բարեբեր օրեր, պայծառ ժպիտ, ամուր առողջություն:
