Մելինե Դալուզյանի պատճառով Հայաստանը զրկվել է օլիմպիական խաղերին մասնակցելու հնարավորությունից. Ծանրամարտի ֆեդերացիայի գլխավոր քարտուղար. analitik.am

Ծանրամարտի միջազգային ֆեդերացիան հերթական դոպինգ ստուգումներից հետո անժամկետ որակազրկել էր Հայաստանը ներկայացնող ծանրամարտիկ Մելինե Դալուզյանին:

Դալուզյանի անալիզների վերստուգման արդյունքում նրա արյան մեջ հայտնաբերվել էին արգելված դեղամիջոցներ:

Հիշեցնենք նաև, որ Հայաստանի ծանրամարտի հավաքականը 2020 թվականին պետք է մասնակցեր Տոկիոյում կայանալիք օլիմպիական խաղերին:

«Մելինե Դալուզյանի որակազրկման հետևանքով Հայաստանի ծանրամարտի հավաքականի թիմը չի կարող մասնակցել Տոկիոյի օլիմպիական խաղերին»,-Analitik.am-ի հետ զրույցում ասաց Հայաստանի ծանրամարտի ֆեդերացիայի գլխավոր քարտուղար Փաշիկ Ալավերդյանը և հավելեց, որ միջազգային օլիմպիական կոմիտեն պատժամիջոցներ է կիրառել:

Հայաստանից որակազրկվածների թիվը հասել է մոտ 20-ի, որի դեպքում արդեն պատժամիջոցներ են կիրառվում. Մելինե Դալուզյանի որակազրկումը վերջին կաթիլն էր:

«Դալուզյանն էլ է ստացել այդ թղթերը, որտեղ նշված է, որ նա պետք է վերադարձնի բոլոր մեդալները, անգամ հուշամեդալները»,-ասաց նա:

Ալավերդյանի խոսքերով, եթե Մելինե Դալուզյանի դոպինգ-որակազրկումը չլիներ, հույս կար, որ Հայաստանի թիմը կմասնակցի օլիմպիական խաղերին: Այժմ Օլիմպիական կոմիտեն և Ծանրամարտի միջազգային ֆեդերացիան մայիսի 31-ին կքննարկի Հայաստանի հարցը՝ կմասնակցեն հայ ծանրոդներն Օլիմպիական խաղերին, թե՝ ոչ:

Ալավերդյանը նաև նշեց, որ Հայաստանից պետք է Տոկիոյի օլիմպիական խաղերին մասնակցեին 4 տղա և 4 աղջիկ: Դոպինգ սկանդալից հետո հայ ծանրամարտի հավաքականի մասնակցության ճակատագիրը կորոշեն միջազգային կառույցները, սակայն, լավագույն դեպքում, կարող են թույլատրել 2 հոգու մասնակցություն:

Նա վստահեցրեց, որ այս ընթացքում որևէ հայ մարզիկի մոտ դոպինգի խնդիր չի առաջանա, քանի որ արդեն 6 տարի է ինքն է աշխատում հայ ծանրամարտիկների հետ։

«Չի կարող որևէ մեկի մոտ դոպինգի խնդիր լինել։ Ես աշխատում եմ, դրանց նման մեդալ փախցնող չեմ: Ավելի վատ Դալուզյանի համար, թեև նա Հայաստանից գնացել է, սակայն նրա թողած հետքերը վնասում են մեզ»,-ասաց Հայաստանի ծանրամարտի ֆեդերացիայի նախագահը:

Ըստ նրա, Դալուզյանի ոչ մարզական արարքն ազդել է Տիգրան Մարտիրոսյանի, Գոռ Մինասյանի, Արթուր Ալեքսանյանի, Անդրանիկ Կարապետյանի վրա, որոնք վերջին տարիների Աշխարհի և Եվրոպայի մեդալակիրներ են:

«Մելինե Դալուզյանն այսօր ինձ համար չի կարող լինել հերոս։ Նրա պատճառով ազգը տուժում է, ազգային ծանրամարտի սպորտաձևը տուժում է: Այո, նա Եվրոպայի չեմպիոն է դարձել, սակայն կեղտոտ ձևով, այսօր նրա մեդալները զրոյական են: Դրա անունը մի տվեք, իմ ամբողջ սպորտաձևը փչացրեց: Մեր ծանրամատիկների աշխատանքը, քրտինքը՝ նա փչացրեց»,-զայրացած ասաց Ալավերդյանը:

Աղբյուր`analitik.am

«Նուբար Աֆեյանի ընկերության արտադրած պատվաստանյութն անվանել է ՄԱՀ՝ վստահեցնելով, որ պատվաստումներից հետո ժամանակի ընթացքում մարդկանց մոտ առաջանալու են քաղցկեղային հիվանդություններ».Վահե Աղաջանյան

03.07.2020

«Խնդրում եմ hraparak.am կայքին դադարեցնել տարածել մեր մասին չստուգված և իրականությանը չհամապատասխանող տեղեկատվություն».Դավիթ Համբարձումյան

07.07.2020

ՀՀԿ-ն մտնում է քաղաքական ակտիվության նոր փուլ

03.07.2020

«Սորոսի կողմից հովանավորվող տռանս պոռնիկները գալու են ձեր տուն, ձեր երեխաների հետևից».Նարեկ Մալյան

06.07.2020

Մինչև արտակարգ դրության ավարտը ժամկետը լրացած անձը հաստատող փաստաթղթերը կհամարվեն վավեր

07.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով