«Երեք օրվա ընթացքում երկու ինքնասպանության դեպք և մեկ սպանության փորձը շատ չէ՞ մեր զինված ուժերի համար».Նորայր Նորիկյան

Փաստաբան  Նորայր Նորիկյանը ֆեյսբուքյան իր էջում գրել է

«Զինված ուժերում երեք օրվա ընթացքում արձանագրվել է երկու ինքնասպանության դեպք և մեկ սպանության փորձ:
Շատ չէ՞ մեր զինված ուժերի համար:
Ե՞րբ պետք է սթափվենք և հասկանանք, որ զինված ուժերում տիրող ոչ ֆորմալ բարքերը ուղղակիորեն խժռում են մեր զավակներին, ու մենք դեռևս չենք գտել դրա հակաթույնը:

Բավական չէ՞ մարդկային ողբերգությունը սփոփել վիճակագրական չոր թվերով:

Վստահ եմ, որ բանակում հանցագործությունների ճնշող մեծամասնության պատճառը ոչ ֆորմալ ինստիտուտների գերիշխումն է:
Այդ հանցագործությունների հիմքում հիմնականում առկա են դեռևս գոյություն ունեցող այն հանցավոր արժեքները, որոնք ցավալիորեն հասարակությունից ներթափանցել են բանակ:

Այդ արժեքների գործունեության արդյունքում անխուսափելիորեն խաթարվում է օրինականության սկզբունքը, զինված ուժերի կանոնակարգերը, հեղինակազրկվում է սոցիալական արդարության գաղափարը, ոտնձգության թիրախում հայտնվում զինծառայողների անձնական արժանապատվությունը:

Սրան զուգահեռ, այդ արժեքները կրող անձինք փորձում են ստեղծել իրենց պատկերացրած ոչ ֆորմալ վարքականոնները, ինքնատիպ սոցիալական միջավայրը, արդյունքում կառուցվում է հանցավոր մի համակարգ՝ հիմնված խեղաթյուրված չափանիշների և մարդկային հարաբերություններին խորթ պատկերացումների վրա:

Տարիների տխուր վիճակագրությունը ցույց է տալիս արձանագրելու, որ այսպիսի ոչ արժանապատիվ իրավիճակում հայտնված զինվորները հայտնվում են հոգեբանական ընկճված վիճակում, և առհասարակ, զինծառայողների միջև փոխադարձ հայհոյանքները երբեմն ավարտվում են կա՛մ ինքնասպանությամբ, կա՛մ սպանությամբ:

Բանակում այս առումով լրջագույն խնդիրներ կան, որոնք պետք է հրատապ կերպով լուծվեն:
Ընդհանրապես բանակից արմատախիլ արե՛ք ծեծն ու հայհոյանքը:
Որևէ զինծառայող, անկախ իր պաշտոնից և ունեցած կոչումից, շարքայինից մնչև գեներալ չպետք է ենթարկվի որևէ նվաստացման:
Այն սպան, ով հայհոյեց և նվաստացրեց որևէ զինվորի, նա կորած անձնավորություն է, և պետք է շատ արագ մեկուսացվի անձնակազմից:
Եվ ճիշտ հակառակը, այն զինվորը, ով չենթարկվեց իր վերադասին, ով փորձ արեց սահմանել սեփական խաղի կանոնները, որոնք դուրս են բանակային կանոնակարգերի սահմաններից, նոյնպես պետք է մեկուսացվի:

Անհրաժեշտ է հասնել նրան, որ սպան բանակում իրական հեղինակություն վայելի, որը կկառուցված չլինի վախի, բռնության ու սպառնալիքի վրա:
Որևէ կասկած չունեմ, որ այսպես կոչված ՛՛հեղինակությունները՛՛ պետք է չեզոքացվեն, հանցավոր մտայնությամբ ու արժեքներով առաջնորդվող զինծառայողների հետ պետք է տարվի շատ խիստ ու հետևողական աշխատանք՝ այդ մտայնությունն իսպառ վերացնելու համար:

Զինված ուժերում պետք է իսպառ վերացվի անպատժելիությունը:

Պետք է հստակ գործի խրախուսման համակարգը, ստվերում մնացած և անհրաժեշտ կարողություններ ունեցող սպաները պետք է գնահատվեն և հավուր պատշաճի խրախուսվեն:
Անհրաժեշտ է զրո հանդուրժողականության սկզբունք որդեգրել որևէ տեսակի հովանավորչության ու կոռուպցիոն դրսևորումների նկատմամբ:
Բանակում ՛՛լավ տղեն՛՛ պետք է լինի ամենակրթված, ամենաինտելեկտուալ ու խելացի զինվորը:

Զինվորների միջև խտրականության դրսևորումը հոգեբանական սթրես է ստեղծում մյուսների մոտ:
Հետևաբար, ամենալավ հրամանատարն այն հրամանատարը չէ, ով տեղաշարժվում է ամենագնաց ու ամենաթանկարժեք ավտոմեքենայով և նվաստացնում իր ենթականերին, ով բռնություն է կիրառում նրանց նկատմամբ և ամբողջ անձնակազմին պահում վախի մթնոլորտի մեջ:
Լավ հրամանատարը զինվորի իրավունքները հարգող, նրա արժանապատվությունը երբեք չնսեմացնող հրամանատարն է, ում հետևից զինվորը նույնիսկ մեռնելու կգնա…

Հ.գ. Բանակում շատ բան կա փոխելու: Մնում է ատամները կրճտացնելով՝ համբերել, թե ե՞րբ…»:

Հաղորդում հանցագործության մասին.Մարինա Խաչատրյան

24.07.2020

«Լավ վերջապես ինչպե՞ս անենք, որ սա գնա իր լոբին մաքրելու և հանգիստ թողնի մեզ իր խաղաղասրական կոչերով».Անի Կաղինյան

25.07.2020

«ՀՀ հպաաաարտ քաղաքացին համբուրում էր մի ուրիշ ոչ պակաս հպաաաարտ քաղաքացու հետույքը».Նարեկ Մալյան

25.07.2020

«Ստախոս Մակունցին տեղեկացրեք, որ մի պահ եղած մարդը տեղում համակարգչով սեփական բիզնեսից ստացված եկամուտները չի հաշվարկում».Արսեն Բաբայան

27.07.2020

Եթե Լևոն Տեր-Պետրոսյանի որդին մի քիչ ավելի գրագետ լիներ՝ Նիկոլ Փաշինյանը համալսարան չէր ընդունվի

24.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով