Ահաբեկիչների կողմից սպանված գնդապետ Վանոյանը կդառնար 52 տարեկան

Загрузка...

Հուլիսի 17-ին ծառայության վայրում, ծառայողական պարտականությունները կատարելիս զոհվեց ՀՀ ոստիկանության Երևան քաղաքի վարչության պարեկապահակետային գնդի հրամանատարի տեղակալ, ոստիկանության գնդապետ Արթուր Վանոյանը:

Արթուր Վանոյանը ծնվել է 1967 թվականին: Ավարտել է Հայկական գյուղատնտեսական ակադեմիան և ՌԴ ՆԳՆ կառավարման ակադեմիան: Ծառայությունը ոստիկանության մարմիններում սկսել է 1995 թվականին՝ անցնելով օպերլիազորից ՊՊԾ գնդի հրամանատարի տեխնիկայի գծով տեղակալի ծառայողական ուղին: Գերազանց ծառայության համար արժանացել է երկու տասնյակ խրախուսանքների:

Ամուսնացած էր, ունի երեք երեխա:

Հիշեցնենք,որ 2016թ.-ի հուլիսի 17-ին 31 զինված անձինք գրավեցին Երևանի Էրեբունի վարչական շրջանի ոստիկանության պարեկապահակային պահպանության գունդը:

Սպանվեցին ընտանիքի հայրեր, որբացան երեխաներ, մայրեր դարձան որդեկորույս, ընտանիքներ քանդվեցին… և հանուն ի՞նչի, չգիտես…:

Պետական կառույցի գրավումը շատերի համար միակ փրկությունն էր հանդիսանում:

Տխուր և սոսկալի է, երբ հասարակության մեջ կան մարդիկ, ովքեր ոչ սթափ դատելով, երեք տարի առաջ կատարված «ահաբեկչական» գործողությունները, ի դեմս «ահաբեկիչների» հերոսական քայլ են համարում և հերոս անվանում նրանց, ովքեր երեք մարդու կյանք խլեցին, պատանդ վերցնելով բարձրաստիճան ոստիակնների, բուժաշխատողների ու երկիրը տեղից էլ շրջապատված լինելով թշնամու կողմից, և որ ամեն րոպե կա պատերազմի վտանգը, երկրում արհեստական լարվածություն մտցրեցին, օրեր շարունակ երկիրը պահելով լարված ու բեկումնային վիճակում:

Հուլիսի 30-ին գրավված ՊՊԾ գնդի տարածքից արձակված կրակոցից զոհվեց ոստիկանության զորքերի զինծառայող, ենթասպա՝ Յուրի Տեփանոսյանը: Ավելի ուշ՝ օգոստոսի 13-ին մահացավ նաև ոստիկանության ավագ ենթասպա Գագիկ Մկրտչյանը, ով հուլիսի 17-ին` ոստիկանության ՊՊԾ գնդի գրավման օրը, ոստիկանների և «Սասնա ծռեր» խմբավորման անդամների միջև տեղի ունեցած բախման հետևանքով ծանր վիրավորում էր ստացել:

Ողբերգական իրադարձություններից մեկ տարի անց՝ հուլիսի 17-ին, հուշակոթող ու հուշատախտակ բացվեց պարեկապահակետային ծառայության գնդում՝ ժամանակների մեջ հավերժացնելով ծառայողական պարտականությունները կատարելիս զոհված ոստիկանության գնդապետ Արթուր Վանոյանի, ոստիկանության լեյտենանտ Յուրի Տեփանոսյանի, ոստիկանության ավագ ենթասպա Գագիկ Մկրտչյանի անունները:

2017 թվականի նոյեմբերի 17-ին  պաշտոնական արարողությամբ Աբովյան քաղաքի թիվ 6 ավագ դպրոցը անվանվեց Արթուր Վանոյանի անունով:

Հուզիչ էր այս ամենը, և չափազանց տխուր է, որ նրանց փոքրիկներին վաղը չես կարող ասել, որ քո իսկ սեփական հայրենիքում, հայրիկիդ սպանեցին մի քանի հայ ահաբեկիչներ, ովքեր ուզում էին հայրենիքը այսպես ասած ազատագրել և այս ամենից հետո դու որբ մնացիր:

Ոստիկանության գնդապետ Արթուր Վանոյանի, լեյտենանտ Յուրի Տեփանոսյանի, ավագ ենթասպա Գագիկ Մկրտչյանի անուններն ընդմիշտ վիմագրվեցին հերոս ոստիկանների հուշակոթողին, որոնք կյանքը զոհեցին հանուն օրենքի և ժողովրդի:

Շնորհավոր ծնունդդ գնդապետ

Նմանատիպ նորություններ

Դե վայելե՛ք, իմ «ՀՊԱՐՏ» քաղաքացիներ, սա է Ձեր ընտր... Մինչև չգա հետինը, չի հիշվի առաջինը Լրացավ ապրիլ-մայիսյան իրադարձությունների մեկ տարին, ինչպես կուզեք անվանեք այդ գործընթացները՝ իշխանափոխություն,...
Փարիզում այրվում է Վերսալը Ֆրանսիացիները դեռ ուշքի չէին եկել Աստվածամոր տաճարի հրդեհից և ահա նոր հարված։ https://youtu.be/qvxKJxFoaU4...
Արարատ Միրզոյանի կողմից հարթակ նետվեց հերթական առա... ՀՀԿ փոխնախագահ Արմեն Աշոտյանն իր ֆեյսբուքյան էջում գրում է.   – Այսօր Արարատ Միրզոյանի կողմից հարթակ նետվեց հերթական առասպելը ՝ Կարեն Կ...
Տնտեսական հեղափոխության պարագայում առաջարկում ենք ... Երևանի պետական համալսարանի Տնտեսագիտության և կառավարման ֆակուլտետի պրոֆեսորադասախոսական կազմի և ուսանողների հետ հանդիպմանը վարչապետ Նիկոլ Փաշինյան...
«Ինքս հրաժարականը չեմ լսել, չեմ էլ կարդացել» .Արար... Արարատ Միրզոյանը ֆեյսբուքյան իր էջում գրառում է արել,որտեղ ասվում է,որ ինքը  մինչև հիմա Սերժ Սարգսյանի հրաժարականի մասին ոչ լսել է,ոչ էլ կարդացել Գ...
«Պրն. Հարությունյան, մեծ հաշվով մենք փաթթած ունենք... Բաց նամակ ԿԳ նախարար Արայիկ Հարությունյանին Պրն. Հարությունյան դուք հայտարարել եք, որ «քաղաքական գեղցիներ» են նրանք, ովքեր շահարկում են Կարաբին...
«Ժամանակ». Ձեռքից ձեռք. Ավիակերոսինի ներմուծման ոլ... «Ժամանակ» թերթը գրում է. «Նոր իշխանությունների օրոք շարունակվում է տնտեսության եկամտաբեր ճյուղերի վերաբաշխման գործընթացը: «Ժամանակ»-ի տեղեկությ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...