«Մաուգլիի» կապիկների նման են իրենց պահում՝ մոռանալով, որ մեծ օձը հիմա կգա

Երբ խոսում են իրական գեներալները, քաղաքացիական անձինք պետք է լռեն, դա օրենք է. Սերգեյ Շաքարյանցը՝ Նիկոլ Փաշինյանին

«Բազմիցս ասել ենք՝ հայաստանյան ընտրությունների ժամանակ մեյդան մի բերեք Արցախի հարցը: Բայց քարոզարշավի հենց առաջին օրվանից կրկին այդ թեմայի մասին էին խոսում: Փոխանակ սթափեցնեին խոսողներին՝ Ստեփանակերտի ուղղությամբ են մատ թափ տալիս: Սա արդեն ոչ թե անթույլատրելի է, այլ դավաճանություն: Եթե մարդը զտարյուն հայ է, նա իրավունք չունի թուրքին խոսելու առիթ տալ: Ու երբ պատերազմի բովով անցած մարդիկ կարգի են հրավիրում, պետք է իրոք սթափվել ու սկսել մտածել ապագայի մասին: Երբ որ խոսում են իրական գեներալները, քաղաքացիական անձինք պետք է լռեն, դա օրենք է: Որոշ մարդիկ մտածում են, թե Հայաստանը Լյուքսեմբուրգ է:

Դեռևս 1992 թվականին Լևոն Տեր-Պետրոսյանին ասել եմ՝ չե՞ս ուզում այս երկրում ապրել, հեռացի՛ր քո սիրելի լյուքսեմբուրգները, այնտեղ նախագահ դարձիր. ո՛չ պատերազմ կա, ո՛չ թշնամի: Դու այս տարածաշրջանում ես, որտեղ ուրիշ իրականություն է: Չորս հարևաններից երեքը անբարենպաստ են, չորրորդի հետ էլ իբր բարիդրացիական հարաբերություններ են:

Իրականության վրա հենվեք, ոչ թե ֆանտաստիկայով զբաղվեք: Տեսնում եմ, որ մարդիկ բնազդի զգացումն են կորցրել: Երբ փորձում ես նրանց ենթագիտակցությունը միացնել՝ «Մաուգլիի» կապիկների նման են իրենց պահում՝ մոռանալով, որ մեծ օձը հիմա կգա: Պետք չէ հեռու կանգնել ու գոռալ՝ «А нам всё равно»:

Ու, երբ քեզ Թեհրանից զգուշացնում են՝ թեկուզ ազգությամբ հայերը, լսի՛ր, թե քեզ ի՞նչ են ասում, ու փորձի՛ր հասկանալ, թե ի՞նչ են ակնարկում: Հետագա զարգացումներում զգույշ մնա»,- լրագրողների հետ հանդիպման ժամանակ խոսքն ուղղելով վարչապետի պաշտոնակատար Նիկոլ Փաշինյանին՝ ասաց քաղաքագետ Սերգեյ Շաքարյանցը:

Նա անդրադարձավ նաև շրջիկ ընտրական շտաբներին՝ ասելով, թե դա նորություն չէ:

«Դա Հնդկաստանի հորինած պրակտիկան է: Հնարել են հետամնաց, թերզարգացած գյուղերում ապրող մարդկանց համար, որոնց մոտ դա էլ է անցնում: Մի օր գնացել են ավտոբուսով, գոռացել ու պատգամավոր դարձել: Չգիտեմ՝ Հնդկաստանի օրինակները Հայաստանում կիրառելի՞ են, թե՞ ոչ»,- նշեց Սերգեյ Շաքարյանցը:

Քաղաքագետը խոսեց նաև արտերկրում գտնվող հայերին ընտրելու իրավունք չտալու մասին:

«Ինչո՞ւ վերջերս արտերկիր մեկնած մարդիկ պետք է զրկվեն ընտրություններին մասնակցելու իրավունքից: Ոչ մի դեսպանատանն ընտրատեղամաս չկա, կարծում եմ, որ դա սխալ է: Մարդը եթե մի քանի օր առաջ մեկնել է Փարիզ, ինչո՞ւ ես նրան զրկում ընտրելու իրավունքից»,- հարցրեց Սերգեյ Շաքարյանցը:

Ինչ վերաբերում է «Սասնա ծռերի»՝ ՀԱՊԿ-ից դուրս գալու մասին առաջարկին, քաղաքագետը նկատեց.

«Եթե դեմ ես Իրանին ու Ռուսաստանին, ուրեմն ԱՄՆ-ի ու Իսրայելի հետ ես: Ես կասեի՝ նույնիսկ Չինաստանին ես դեմ: Դու ո՞վ եղար, որ նույնիսկ Չինաստանին դեմ դուրս գաս, ա՛յ տղա: ՌԴ-ի ու Իրանի թիկունքում Չինաստանն է կանգնած: Չգիտե՞ն այդ մարդիկ, թե ինչ է կատարվում աշխարհում: ՀԱՊԿ-ից են դուրս գալիս: Դուրս արի, միայն Հայաստանին ես վատություն անում»:

armeniadaily.am

Նմանատիպ նորություններ

Կամ վարչապետը պետք է պատասխանատվության ենթարկվի, կ... Կամ վարչապետը պետք է պատասխանատվության ենթարկվի նախկին նախագահի բարի համբավը, նաև պետական կարևորագույն ինստիտուտը վարկաբեկելու համար, կամ նախկին նախագ...
Կոտայքի մարզպետը եթե չգիտի ասեմ,որ ձեր մարզում նոր... Կոտայքի մարզպետը եթե չգիտի ասեմ,որ ձեր մարզում նոր զիբիլանոցա ուզում բացվի: Աշխարհագրական կոորդինատներն են Գեղադիր և Ողջաբերդ գյուղերի արանքը: Ավե...
Նարեկ Մալյանի գործով «Ռեստարտի» ևս 4 անդամի մեղադր... Նախկին ոստիկանապետ Վլադիմիր Գասպարյանի խորհրդական Նարեկ Մալյանի և «Ռեստարտ» նախաձեռնության անդամների միջև տեղի ունեցած դեպքի առթիվ «Ռեստարտ» նախաձ...
Իշխանության վարկանիշը իջնում է անասելի արագությամբ... Մամուլը գրում է,որ ռեֆորմիստները սկսում են բողոքի ակցիաներ:Այո նման քննարկում իրոք եղել է մեր կառույցներում,սակայն այս պահին նման որոշում չկա: ...
«Կարիք չկա Ֆեռարիով իրեն հասնել, որովհետեւ Նիկոլ Փ... Փաշինյանի կառավարումը վերածվել է մեքսիկական սեիալի՝ սելֆի-լայվ-ասուլիս, սելֆի-լայվ-ասուլիս. սա է նրա 11 ամսվա կառավարման բնութագիրը,- Henaran.am -...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով