ՀՀ վարչապետի պաշտոնակատար Նիկոլ Փաշինյանն այսօր լրագրողների հետ հանդիպման ժամանակ հերքեց լուրերը, թե Արցախում զինվորական ծառայություն անցնող իր որդու համար ուզում են բնակարան վարձել Ստեփանակերտում:
«Լավ ա չեն գրել՝ առանձնատուն են ուզում սարքել»,- հեգնեց նա:
Փաշինյանը հայտարարեց, որ իր որդին ծառայում է՝ որպես շարքային, 100%-ով կատարում է այն բոլոր պարտականությունները, որ պետք է կատարի շարքայինը:
«Ես ինքս գոհ չեմ: Դիրքերում փորձել եմ, սարսափելի է, սարսափելի»,- ասաց նա՝ հավելելով, որ այդ խնդրով զբաղվում են, բայց հաշվի առնելով ծավալների հարցը, մի օրում չի կարող լուծվել:
Նա նշեց, որ հեռախոսազանգերից մեկի ժամանակ իր որդին էլ է տարբեր բաներ խնդրել իրենցից: Փաշինյանը վստահեցրեց, որ փորձում են լուծել ներքնաշորերի հետ կապված խնդիրը:
«Մարդիկ կան, մեծ-մեծ խոսում են, պետք է տանել այդ տուշոնկեքը տալ, ասել, դե, սրանով կեր ու ապրի ու դուրս արի քարոզարշավի»,- ասաց Փաշինյանը:
