««Սասնա ծռերից» մեկը կա` ասում է՝ «հեռացրեք բազան», ո՞ւմ քաղաքականությունն է նա իրականացնում». Նորատ Տեր-Գրիգորյանց

«Պետք է ամրապնդենք հայ-ռուսական գործընկերությունը՝ թույլ չտալով կրակ, հրդեհ Հարավային Կովկասում»,- ասաց 1992-1995թթ. ՀՀ ՊՆ գլխավոր շտաբի պետ, 1993թ. պաշտպանության նախարարի պաշտոնակատար, Արցախյան պատերազմի հերոս, գեներալ-լեյտենանտ Նորատ Տեր-Գրիգորյանցը՝ անդրադառնալով տարածաշրջանում առկա անվտանգության խնդիրներին:

Հեղինակավոր ռազմական գործիչն ասաց, որ իսկապես ԱՄՆ-ը իր բոլոր միջոցներով և հնարավորություններով ռազմական գործողությունների այս թատերաբեմում ցանկանում է «պառակտում մտցնել» բոլոր այն հանրապետությունների, երկրների միջև, որոնք գտնվում են ԱՄՆ-ի հետ միության մեջ և «դավաճանաբար հեռացել են Ռուսաստանից», ու նրանց միջոցով ցանկանում է մեկուսացնել Ռուսաստանի Դաշնությանը բոլոր ուղղություններով` Հյուսիսում, Հարավում, Արևելքում, Արևմուտքում:

Նրա որակմամբ, Հարավային Կովկասը յուրահատուկ տարածաշրջան է, ռազմաքաղաքական իրավիճակի տեսանկյունից զարհուրելի տարածաշրջան է: «Հենց այդ պատճառով կցանկանայի շեշտել, որ այս ուղղությամբ անհրաժեշտ է, որ մեր ղեկավարները շատ նուրբ քաղաքականություն վարեն, ի դեպ, շատ լուրջ, անկեղծ: Ուշադրություն դարձրեք, Վրաստանը-Թուրքիան-Ադրբեջանը ստեղծել են իրենց միությունը, Ռուսաստանը- Ադրբեջանը-Թուրքիան-Իրանը` իրենց, իսկ Հայաստանն այդ միությունների մեջ մնացել է բավականին վտանգավոր իրավիճակում: Միևնույն ժամանակ Թուրքիան Վրաստանի միջոցով Հայաստանի շուրջ երկաթուղի է կառուցում և հավելյալ արգելափակում է ստեղծում այս երկրի համար»,- նկատեց Նորատ Տեր-Գրիգորյանցը` շարունակելով, որ ստացվում է վտանգավոր իրավիճակ ռազմական գործողությունների հարավային թատերաբեմում:

Ռուսաստանաբնակ Տեր-Գրիգորյանցը հռետորական հարցով դիմեց ակումբի ներկայացուցիչներին՝ ասելով, թե ինչպե՞ս է ստացվում, որ ներկայումս Ադրբեջանը, որը Հայաստանին թշնամի է համարում, Թուրքիայի հետ անելով ամեն հնարավորը Հայաստանին մեկուսացնելու համար, պնդելով, որ Երևանն իրենն է, հանկարծ ստանում է սպառազինություն մեծ քանակությամբ՝ ՀԱՊԿ-ում իր գործընկեր երկրի կողմից:

Նրա խոսքով, դա ատելություն է հարուցում, քանի որ այդ սպառազինությամբ ոչնչացնում են: «Ու այստեղ այնպիսի պատերազմ կարող է սկսվել, որ ավելի վատ կլինի, 100, 150 անգամ ավելի վատ»,- ասաց նա:

Նաև հավելեց. «Կա մեկը, որ «Սասնա ծռերից» է, ասում է՝ հեռացրեք բազան, Ռուսաստանը և այլն, ում քաղաքականությունն է նա իրականացնում: Թուրքիայի, ԱՄՆ-ի: Ինչո՞ւ է նա դրանով զբաղվում, որպեսզի թուլացնի այդ ուղղությունը, բայց Հայաստանն ավելի թույլ է, քան Թուրքիան և Ադրբեջանը, դա հայտնի է»: Ուրեմն, ըստ նրա՝ Ռուսաստանը Հայաստանի հետ որպես մեկ բռունցք պետք է լինի: Ավելին, Տեր-Գրիգորյանցը գտնում է, որ Ռուսաստանն իր իսկ անվտանգության համար պետք է ամրապնդի Հայաստանին:

«Պետք է ամրապնդենք մեր գործընկերությունը՝ թույլ չտալով կրակ, հրդեհ Հարավային Կովկասում: Առաջարկում եմ ` պետք է լուրջ ուշադրությամբ դիտարկենք այն գործընկերությունը, այն հարգանքը, միությունը, որը կա, անկախ նրանից, թե ով է գալիս իշխանության, այդ միությունը, պայմանագիրը պետք է գոյություն ունենա ընդմիշտ, միությունը պետք է լինի ամենաբարձր մակարդակում»,- ասաց գեներալ Տեր-Գրիգորյանցը:

 

168.am

Նմանատիպ նորություններ

Շիրխանյանի բաց նամակի հետքերով.Գարեգին Պետրոսյան... Երեկ համացանցում հայտնվեց պաշտպանության նախարարի նախկին տեղակալ Վահան Շիրխանյանի բաց նամակը ուղղված ՀՀ երկրորդ նախագահ Ռոբերտ Քոչարյանին։ Նման ...
«Ուրալյան ավիաուղիները» դեպի Երևան չվերթներ իրական... «Armeniasputnik»-ի տեղեկացմամբ, «Ուրալյան ավիաուղիներ» ավիաընկերությունը չեղարկել է 67 ուղղություններով չվերթեր իրականացնելու թույլտվությունը։ Այդ...
Առաջարկում եմ՝ Հանրապետության հրապարակը հռչակել Նի... ՀՀԿ խոսնակ Էդուարդ Շարմազանով , ֆեյսբուքյան էջում անդրադառնալով ապրիլի վերջին շաբաթ օրը ՀՀ քաղաքացու օր հռչակելու՝ կառավարության որոշմանը․ «Փաշ...
Առաջնայինը մեր հանրության, մեր քաղաքացու գնահատանք... Մեր վարչությունը 25 տարեկան է Հայաստանի Հանրապետության ոստիկանության հասարակայնության հետ կապի և լրատվության վարչությունը 25 տարեկան է. քառորդդ...
Քոչարյանի փաստաբանական թիմը հայտարարություն է տարա... ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորումը ևս երկու ամիս ժամանակով երկարացնելու վերաբերյալ առաջին ատյանի դա...
Դադարեցվել է որոշ դեղամիջոցների շրջանառությունը... Առողջապահության նախարարի հրամանով դադարեցվել է «Մեդանա Ֆարմա ԲԸ, 98-200 Սիերադզ Վ. Լոկիետկա 10, Լեհաստան» դեղագործական ընկերության արտադրության «Բ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով