Արցախի Հանրապետությունում մեկնարկել են ՊԲ զորավարժությունները

Նոյեմբերի 6-ին Պաշտպանության բանակի կենտրոնական ենթակայության զորամասերի ներգրավմամբ մեկնարկել են մարտավարական զորավարժություններ, որոնց նպատակն է կատարելագործել  ներգրավված ստորաբաժանումների և միջոցների մարտական ներդաշնակության մակարդակը, ստուգել զորամասերի մարտական պատրաստականության բարձր աստիճանի բերման պլանների իրատեսությունը, նոր հաստիքապաշտոնային կառուցվածքի պայմաններում զորքերի մարտական կիրառման արդյունավետությունը և բարձրացնել սպաների, հրամանատարների,  կառավարման մարմինների գործնական ունակությունները` ժամանակակից մարտի կազմակերպման, զորքերի անընդհատ կառավարման,  ստորաբաժանումների, զորատեսակների և ծառայությունների միջև փոխգործողության իրականացման, ինչպես նաև համակողմանի ապահովման ուղղությամբ:

Բանակային տարվա կարևորագույն միջոցառումը իրականացվել է չորս փուլով և գտնվել պաշտպանության նախարար, ՊԲ հրամանատար, գեներալ-լեյտենանտ Լևոն Մնացականյանի մշտական ուշադրության կենտրոնում:  Քառափուլ զորավարժության առաջին փուլի ընթացքում ներգրավված զորամասերը բերվել են մարտական պատրաստականության բարձր աստիճանի և զբաղեցրել կիրառման շրջանները: Հետագա փուլերի ընթացքում իրականացվել են պաշտպանական մարտերի վարումը, ստորաբաժանումների անընդհատ ղեկավարումը, մարտական դիրքերի ամրացումը և հակառակորդի դիվերսիոն ներթափանցման խմբերի դեմ պայքարը: ՊԲ հրամանատարի գլխավորությամբ  անցկացվել են խորհրդակցություններ և լսումներ, օպերատիվ իրավիճակին համապատասխան ներկայացվել են զորավարժություններին ներգրավված զորամասերի հրամանատարների ընդունած որոշումներն ու առաջարկները:

Վերջին փուլում` մարտականին առավելագույնս մոտեցված պայմաններում խաղարկվել է «Մխրճված հակառակորդի ջախջախումը, առաջնագծի վերականգնումը, հարձակման զարգացումը և բարենպաստ բնագծերի գրավումը» թեմայով մարտական հրաձգությամբ զորավարժություն:

Պաշտպանության բանակի կենտրոնական ենթակայության զորամասերի հրամանատարության հմուտ ղեկավարման,  կրակի կառավարման, հետախուզական, ինժեներական, հրետանային և հակաօդային ստորաբաժանումների անհրաժեշտ փոխգործակցության կազմակերպման շնորհիվ ներգրավված անձնակազմը հաջողությամբ և նախանշված ժամկետներում կատարել է առաջադրված մարտական խնդիրները և գրանցել բարձր արդյունքներ:

Ամփոփելով և վերլուծելով զորավարժության արդյունքները` կարելի է արձանագրել, որ առաջադրված և զորավարժության պլանով նախատեսված  բոլոր խնդիրներն իրականացվել են հաջողությամբ, ներգրավված անձնակազմն ու ղեկավարությունը պայմանական մարտադաշտում ցուցադրել է մարտավարամասնագիտական,  ֆիզիկական և բարոյակամային պատրաստության գերազանց ցուցանիշներ և մարտունակության բարձր աստիճան, ինչն էլ ևս մեկ անգամ փաստել է, որ հակառակորդի հնարավոր ագրեսիայի դեպքում Պաշտպանության բանակի զորամասերը ի վիճակի են պաշտպանական հաջող մարտեր իրականացնել և հետ շպրտել հակառակորդին, որից հետո էլ հասցնել հուժկու հակահարված:

 

Հարություն ՄԿՐՏՉՅԱՆ

Մարտիկ պաշտոնաթերթ

Նմանատիպ նորություններ

«Սա արդեն պետական քաղաքականության մաս է դառնում, ո... Արմեն Աշոտյանը ֆեյսբուքյան իր էջում գրում է. «Վարչապետի ուղերձի տեքստը Ղարաբաղյան շարժման կապակցությամբ, որում կրկին փորձ է արվում միևնույն հար...
«Հայկազ Մակարյանը երևի ադրբեջանական կայքէջերից է ա... «Ինչպե՞ս կարող է նման բան լինել, ամեն հայտարարության մենք չպետք է լուրջ վերաբերվենք»,- 168.am-ի հետ զրույցում ասաց Արցախի Հանրապետության նախագահի ...
Turan գործակալության լրագրողները Հայաստան էին եկել... Երեկ հայկական բոլոր լրատվամիջոցները գրեցին, որ ադրբեջանական Turan գործակալության թղթակիցները Երևանում են, լուրը հաստատեց նաև ՀՀ ԱԳՆ մամուլի խոսնակ...
Պատիժը կրելուց հետո ադրբեջանցին ազատ է արձակվել. Ա... ԱՀ ընդհանուր իրավասության առաջին ատյանի դատարանի 09.02.2018թ.  դատավճռով  2 /երկու/ տարի ազատազրկման դատապարտված   Էլնուր Էլման օղլի  Հուսեյնզադեն...
Արցախի բնակիչներն ինձ չեն ընտրել վարչապետ, ուստի չ... Արդեն տեղեկացրել ենք, որ ՀՀ վարչապետ Նիկոլ Փաշինյանը Մոսկվայում է, որտեղ մասնակցել է ԵԱՏՄ նախագահությունը Հայաստանին անցնելուն նվիրված հանդիպմանը:...
«Հունիսին Փաշինյանն ու Ալիևը համաձայնագիր են ստորա... «Չնայած պնդումներին, որ դետալներ չեն քննարկվում, մենք հասուն մարդիկ ենք, հիանալի հասկանում ենք, որ, եթե չկա խոսակցության համար կոնկրետ առարկա, ապա...
Թունավորումներ՝ գազի ջրատաքացուցիչից արտանետված շմ... Ս.թ. հունվարի 14-ին ժամը 21:00-ի սահմաններում բնակարանի խոհանոցում տեղադրված գազի ջրատաքացուցիչից  արտանետված շմոլ գազից թունավորվել են  Ստեփանակե...
Սերժ Սարգսյանի անակնկալն ազատամարտիկներին... 168.am-ի տեղեկություններով՝ ՀՀ երրորդ նախագահ Սերժ Սարգսյանը Նոր տարվա նախաշեմին, ինչպես նախորդ տարիներին, ազատամարտիկների ընտանիքների համար ծ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով