Ալավերդցիները փակել են միջպետական ճանապարհը. նրանց սպառնում է աշխատանքը կորցնելու վտանգը
Այսօր առավոտյան ժամը 10-ից Ալավերդու պղնձաձուլական գործարանի աշխատակիցները փակել էին Մ6 միջպետական ճանապարհը: Վերջիններս պահանջում են, որ պղնձաձուլարանի աշխատանքը չդադարի, այլապես 600-ից ավելի մարդ գործազուրկ կդառնա: Ժամը 14:00-ին մոտ ճանապարհը բացվել է՝ գործարանի մի խումբ աշխատակիցների և փոխվարչապետի՝ Երևանում կայանալիք առաջիկա հանդիպումով պայմանավորված: