Չունենալով քաղաքական տանիք՝ խիզախորեն մասնակցելու եմ ընտրություններին. Արտակ Ավետյան

Սեպտեմբերի 23-ն տեղի կունենա Երևանի ավագանու ընտրությունները. 

ՀԱՅ ՁԱՅՆ լրատվականը ներկայացնում է հարցազրույցների շարք, ընտրություններին

մասնակից կուսակցությունների անդամների, քաղաքապետի թեկնածուների հետ:

Մեր զրուցակիցն է  Երևանի ավագանու «Ռեֆորմիսներ» կուսակցության Երևանիքաղաքապետի թեկնածու, ռեժիսոր ԱՐՏԱԿ ԱՎԵՏՅԱՆԸ:

-Դուք նոր մարդ եք քաղաքականության մեջ, ի՞նչ եք կարծում, այդ հանգամանքը կօգնի, թե՞ կխանգարի ձեզ:

-Այո, ես նոր մարդ եմ քաղաքականության մեջ, հրավեր եմ ստացել «Ռեֆորմիստներ» կուսակցությունից՝ իմ թեկնածությունը առաջադրել ավագանու ընտրություններին, որպես քաղաքապետ: Բայց ես անկուսակցական եմ: Կարծում եմ, որ իմ ոչ քաղաքական անցյալը միանշանակորեն դրական դեր կունենա, բայց դա հարցի մի կողմն է: Ես իմ ամբողջ կյանքում զբաղվել եմ արվեստով, կոորդինացրել եմ տարբեր մշակութային նախագծեր, որոնք միայն ծառայեցրել եմ իմ երկրին:

Իսկ չե՞ք կարծում, որ Երևանի քաղաքապետի պաշտոնը պետք է լինի ապաքաղաքականացված:

-Ես լիովին համաձայն եմ ձեզ հետ: Քաղաքապետը պետք է լինի տնտեսվար, այսինքն, այդ պաշտոնը զբաղեցնող մարդը պետք է զբաղվի քաղաքի տնտեսությամբ:

-Կա այսպիսի կարծիք, թե երևանցիներն իրենց ձայնը կտան ՔՊ թեկնածու Հայկ Մարությանին, որովհետև վստահում են վարչապետ Նիկոլ Փաշինյանին, կարող են նախընտրել նաև ԲՀԿ քաղաքապետի թեկնածու Նաիրա Զոհրաբյանին, որովհետև նրան աջակցում է հայտնի գործարար Գագիկ Ծառուկյանը: Ի՞նչ եք կարծում, պարտադիր է՞ քաղաքական թիկունք ունենալ՝ ընտրություններում հաղթելու համար:

— Կարծում եմ՝ ոչ: Իսկ թե ո՞վ կընտրվի՝  դա կերևա սեպտեմբերի 23-ին, երբ ամեն քաղաքացի իր կարծիքը կարտահայտի քվեարկության միջոցով:

-Այս ընտրություններում սպասվում է մեծ մրցակցությունը, կարծում եք, ձեր թեկնածությունը ներկայացրած «Ռեֆորմիսներ» կուսակցությունը, որպես երիտասարդ քաղաքական ուժ, կդիմանա՞ այդ մրցակցությանը:

  — Իհարկե՝ կդիմանանք: Եթե մենք վատատես լինենք՝ այս գործի մեջ չեինք մտնի: Այս գործում միայն լավատես ենք, լցված ենք դրական էմոցիաներով և ակնկալում ենք միայն հաղթանակ:

— Մեր մայրաքաղաքում առկա ո՞ր խնդիրներ են, որ, ըստ ձեզ, առաջնային լուծում են պահանջում, ու ըստ այդմ, ի՞նչն եք կարևորել որպես նախընտրական կարգախոս:

-Մեր կարգախոսն է ՝ «կանաչ Երևան»: Թե ո՞ր խնդիրներն ենք մեր ծրագրերում առաջ քաշել ՝ դրան կծանոթանաք սեպտերմբերի 10-ին, երբ պաշտոնապես կներկայացնենք այդ ծրագիրը:

— Երևանի բնակիչները բազմիցս լսել են վերամբարձ խոստումներ, տեսել են փայլուն մշակված ծրագրեր, որոնք այդպես էլ ի կատար չեն ածվել: Հիմա, մեր հայրենակիցները ինչպե՞ս պետք է կողմնորոշվեն, թե ո՞ր կուսակցությունը, վերջապես, կձերբազատվի սին խոստումներ տալու գործելաոճից և, իրոք գործ կանի:

— Այդ հարցին դժվար է պատասխանել, որովհետև դա ցույց կտա ժամանակը: Այս պարագայում դժվարանում եմ որևէ կոնկրետ բան ասել: Ես իմ փոխարեն կպատասխանեմ, քանի որ վստահ եմ՝ պարզ ճակատով կարող եմ նայել բոլոր երևանցիների աչքերին, որովհետև բոլոր խոստումներս կետ առ կետ ի կատար կածեմ:

— Ի՞նչ եք կարծում, կհաջողվի՞ ունենալ ազատ, արդար ու անկաշառք ընտրություններ:

— Մեր երկրում բան է փոխվել, և ես շատ ուրախ եմ դրա համար: Ես արվեստագետի ընտանիքից եմ, չունենալով քաղաքական տանիք, խիզախորեն մասնակցում եմ ընտրություններին, ներկայանում եմ իմ Երևանին և ակնկալում եմ միայն հաղթանակ: Եթե այս ընտրությունները լինեին մեկ տարի առաջ, և ես ստանայի ընտրություններին մասնակցելու առաջարկ, բնականաբար, չէի համաձայնվի մասնակցել: Բոլորս գիտենք այն ժամանակվա համակարգը: Չէի մասնակցի, որովհետև այդ պայմաններում շանսեր չէի ունենա: Կարծում եմ, այս անգամ ընտրությունները կանցնեն լեգիտիմ և առանց ընտրակաշառքի:

— Կարծիք կա, որ «Ռեֆորմիստներ» կուսակցությունն աջակցում է ՀՀ երկրորդ նախագահ Ռոբերտ Քոչարյանին: Հաշվի առնելով երկրում տիրող ներքաղաքական տրամադրությունները՝ այս հանգամանքը կխանգարի՞, թե՞ կօգնի ձեզ այս ընտրություններում:

-Ճիշտն ասած, չգիտեմ, թե այդ կարծիքներն ի՞նչ հիմք ունեն: Մենք անկախ քաղաքական ուժ ենք և ներկայացնում ենք միայն մեր ծրագրերը: Եվ ոչ մի ուրիշ հոսանքների մեջ չկանք:

-Եվ վերջին հարցը. ինչո՞ւ պետք է երևանցին ընտրի ձեզ, բնակչության ո՞ր հատվածը կարող է լինել ձեր ընտրողը:

-Չեմ ուզում Երևանի բնակիչների բաժանել հատվածների: Ինձ համար բոլորը հավասար են, բոլորն էլ կարող են իմ առաջարկների մեջ հետաքրքիր բան գտնել: Դրա համար դժվարանում եմ թիրախային խմբեր առանձնացնել: Ես պարզ ճակատով ներկայանալու եմ իմ երևանցիների առաջ:

 

 

Haydzayn.am

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

«բարսեղյան լևոնիկ,մյուս անգամ, Սերժ Սարգսյանի անունը ռեխիցդ արտաբերելուց լեզուդ անպայման կկծես ու նոր կբառաչես». Հովհաննես Խաչատրյան

08.08.2020

Друзья переслали мне сегодняшний пост Тиграна Кеосаяна об Армении, Николе и Серже.Армен Ашотян

10.08.2020

«Քոչարյան Անդրանիկի ականջին շշնջացեք, որ շուտով Սերժ Սարգսյանի անմիջական մասնակցությամբ մեր երկրի կիսաբաց լուսամուտը ամբողջությամբ կբացվի…».Արմեն Աշոտյան

09.08.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով