«Ո՞վ է քայլել Նիկոլի հետ` Գյումրիից մինչեւ Երեւան, Երեւանում». սկզբունք, որով կադրային քաղաքականություն է վարվում. «Առավոտ»

«Առավոտը» գրում է.  Ավագանու «Ելք» խմբակցության անդամ Անահիտ Բախշյանին դուր չի գալիս այն իրողությունը, որ կառավարման համակարգում ՀՀԿ-ականներին փոխարինում են հեղափոխությամբ իշխանության եկած «Քաղաքացիական պայմանագիր» կուսակցության անդամներով:

Ինքը բավական ուշադիր է հետեւում Նիկոլ Փաշինյանի վարած կադրային քաղաքականությանը: Մի քանի օր առաջ էլ չէր դիմացել եւ հրապարակային խոսք էր ասել. «Նիկոլ Փաշինյան գրողն իր «Երկրի հակառակ կողմը» գրքի «Հեղափոխականի մահը» գլխում տալիս է իսկական հեղափոխականի բանաձևը՝ «հեղափոխության առաջնորդի համար բարձրագույն խնդիր պիտի լինի, գերնպատակ՝ երբեք չդառնալ այնպիսին, ինչի դեմ պայքարում է հեղափոխությունը:» Ինչպես նաև նա վստահեցնում է. «Իսկական հեղափոխականը պետք է նմանվի Աստվածային ցասումի, որ գալիս է անսպասելի և հեռանում անսպասելի»:

Նիկոլ Փաշինյանի առաջնորդությամբ, իր թիմակիցների հետ մեր ժողովուրդը պայքարեց իշխանության ՀՀԿ-ական` վերից-վար կուսակցականացված համակարգի դեմ, սակայն այսօր վարչապետ Նիկոլ Փաշինյանի կառավարության կազմը մեծամասամբ ձևավորվում է միայն կուսակցական պատկանելիության սկզբունքով կամ նրանցով, ովքեր քայլել են Նիկոլի հետ՝ անկախ պրոֆեսիոնալ մակարդակից: Առկա է անհանդուրժող վերաբերմունք ցանկացած քննադատության նկատմամբ, որն անընդունելի է ու հիշեցնում է նախորդներին»:

«Ուշ եմ ասել, բավական մեղմ եմ ասել, ասել եմ, որպես մտահոգություն»,- Aravot.am-ի հետ զրույցում ասաց տիկին Բախշյանը`հավելելով. «Պրոֆեսիոնալիզմը դրվել է մի կողմ, կարեւորվում է միայն կուսակցական պատկանելիությունը`ո՞վ է քայլել Նիկոլի հետ`Գյումրիից մինչեւ Երեւան, Երեւանում… մեջտեղում տուժում է պրոֆեսիոնալիզմն ու, բնականաբար, երկիրը»:

Առայժմ ավելին ասել չի ցանկանում: Այս ընթացքում բազմաթիվ քննադատություններ հնչեցին նաեւ ուռճացված աշխատակազմերի, ծախսերի մասով: Մի բան, ինչի համար, այդ թվում նաեւ ներկա իշխանավորները մեղադրել են ՀՀԿ-ական նախկին իշխանությանը:

Այս հարցերն էլ չեն վրիպել Անահիտ Բախշյանի աչքից, բայց հիմա շատ բաների մասին չի ցանկանում հրապարակային խոսել, քանի որ, իր գնահատմամբ, ՀՀ-ի ներկայիս իշխանությունները նաեւ «շատ լավ» բաներ են անում: Նկատի ունեի`կոռուպցիայի դեմ պայքարը, արդարության վերականգնմանն ուղղված քայլերը: Բայց, իր մտահոգությունները, միեւնույն է, դեռ օրակարգային են, թեեւ առանձին վերցրած ոլորտներում հատ ու կենտ պրոֆեսիոնալների նշանակումն էլ է արձանագրում

Ամբողջական հոդվածը՝ այստեղ 

Հաղորդում հանցագործության մասին.Մարինա Խաչատրյան

24.07.2020

«Լավ վերջապես ինչպե՞ս անենք, որ սա գնա իր լոբին մաքրելու և հանգիստ թողնի մեզ իր խաղաղասրական կոչերով».Անի Կաղինյան

25.07.2020

«ՀՀ հպաաաարտ քաղաքացին համբուրում էր մի ուրիշ ոչ պակաս հպաաաարտ քաղաքացու հետույքը».Նարեկ Մալյան

25.07.2020

«Ստախոս Մակունցին տեղեկացրեք, որ մի պահ եղած մարդը տեղում համակարգչով սեփական բիզնեսից ստացված եկամուտները չի հաշվարկում».Արսեն Բաբայան

27.07.2020

Եթե Լևոն Տեր-Պետրոսյանի որդին մի քիչ ավելի գրագետ լիներ՝ Նիկոլ Փաշինյանը համալսարան չէր ընդունվի

24.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով