Հարկայինը տեռորի է ենթարկում փոքր բիզնեսին. Ահազանգ ՓՄՁ-ից

Загрузка...

Փոքր ու միջին բիզնեսի ներկայացուցիչները վերջին օրերին ահազանգում են, որ հարկային մարմինները տեռորի են ենթարկում փոքր բիզնեսին՝ ՀԴՄ կտրոն չտրամադրելու համար տուգանքներ սահմանելով: Գործարարները գրել են, որ 20 քմ օբյեկտներ ունեցողներին օրերս տուգանել են 600 հազար դրամով: Ըստ նրանց՝ ամեն օր տասնյակներով տուգանքներ են գրվում մարզերում:

Ֆեյսբուք սոցիալական ցանցում փոքր ու միջին բիզնեսի համար ստեղծված խմբում գործարարները կոնկրետ դեպքեր են ներկայացնում: «Խայտառակ վիճակ է, ՀԴՄ ների տուգանքների տարբերությունը սարսափելի է: Սա արդեն հարկային տեռոր է»,- գրում են գործարարները: Մարդիկ հարցադրում են անում՝ առանց հարկային դաշտի օրենսդրությունը փոփոխելու, որը բազմաթիվ խնդրահարույց կետեր ունի փոքր ու միջին բիզնեսի համար, ինչո՞ւ են իրենց ստիպում ՀԴՄ կտրոններով աշխատել: Նախկին վերնախավի ու օլիգարխների համար գրված օրենքներով, ըստ գործարարների, այսօր իրենց տուգանում են: «ՀՀԿ-ի գրած օրենքներով մեզ ստիպում են մաքուր աշխատել»,- ասում են նրանք:

Պետական եկամուտների կոմիտեի նախագահ Դավիթ Անանյանն օրերս լրագրողների հարցին ի պատասխան ասել էր, որ ՓՄՁ-ին ստուգելու հրահանգ չկա: «Կա հակառակ հրահանգը, որ փոքր ու միջին բիզնեսի ներկայացուցիչներին ու ձեռներեցներին հարկային վարչարարությունով ավելորդ ծանրաբեռնել չի կարելի: Եթե մեր աշխատակիցները դա չեն հասկացել, նորից կհասկացնենք, այդ թվում՝ կոշտ կհասկացնենք»,- ասել էր նա:

Տուգանված գործարարներից մեկը Lragir.am-ին ասաց, որ 600 հազար դրամով տուգանել են հանրային սննդի կետերը: Նրա խոսքով՝ առանց նախազգուշացնելու ՊԵԿ-ը միանգամից տուգանքներ է սահմանում, ՀԴՄ տուգանքներն այս օրերին համատարած բնույթ են կրում: Այնինչ, ըստ գործարարի, պետք է նախ և առաջ կարգ ու կանոն, հավասար պայմաններ հաստատել ոլորտում, ինչպես նաև օրենսդրությունը փոփոխել:

«Մարդիկ ասում են՝ միանգամից չես կարող այդ հարցը լուծել, ժամանակ է պետք: Ամեն տարի Հայաստանում հարկային օրենսդրություն են փոխել, խառնաշփոթ է ստեղծվել: Պետք է ստաբիլ վիճակ ստեղծել, հավասար պայմաններ, մարդիկ շահագրգռված են օրենքի դաշտում աշխատել»,- ասաց մեր զրուցակիցը:

ՊԵԿ նախագահ Դավիթ Անանյանը, գործարարի խոսքով, երբ ասում է, որ հրահանգ կա փոքր ու միջին բիզնեսին չնեղել, չի շեշտում ՀԴՄ տուգանքները: Եվ այս օրերին, երբ տուգանվողները հարկային տեսուչներին հարցնում են, թե ինչո՞ւ իրենց ղեկավարության հրահանգներ չեն կատարում, ինչո՞ւ են իրենց տուգանում, տեսուչներն արդարանում են, թե Անանյանի հրանահանգը ՀԴՄ տուգանքներին չի վերաբերում: Գործարարները առաջարկում են, որ նախքան տուգանելը հարկային տեսուչները նախազգուշացնեն մարդկանց, ոչ թե միանգամից բարձր տուգանքներ սահմանեն:

«Կասեցում» քաղաքացիական շարժման համակարգող Սամսոն Գրիգորյանը Lragir.am-ի հետ զրույցում ասաց, որ հեղափոխությունից հետո վարչապետ Նիկոլ Փաշինյանի՝ «բոլորը պետք է ՀԴՄ կտորն տրամադրեն» արտահայտությունը ՊԵԿ-ը ինչպես միշտ սխալ հասկացավ և դարձյալ համատարած տուգանքների ճանապարհով գնաց: Նա նշեց, որ այս օրերին բազմաթիվ զանգեր է ստանում փոքր ու միջին բիզնեսի ներկայացուցիչներից, որ ՀԴՄ կտրոնի համար տուգանվել են:

«Կարելի է ասել՝ այս օրերին տուգանքները համատարած բնույթ են կրում: Ես բոլորին կոչ եմ անում ՀԴՄ տրամադրել, բայց մարդկանց մոտ լինում են կիքսեր, իսկ հարկային տեսուչները խառանշփոթի պահին են մոտենում օբյեկտներ ու հարմար պահ գտնում տուգանելու համար»,- ասաց Գրիգորյանը:

Նա նշեց, որ գործարարներից նաև զանգեր է ստանում, որ հարկային տեսուչներն իրենց սանձարձակ են պահում, տուգանված գործարարներին ասում են՝ սա դեռ առաջինն է, իրենք էլի են գալու տուգանելու:

Ըստ նրա՝ նախքան համատարած տուգանքներ կիրառելը, նախ պետք է ոլորտի օրենքները բարեփոխվեն, մարդկանց հետ պետք է աշխատանք տանել:

“ՊԵԿ-ը պետք է գործարարի հետ աշխատանք տանի, համատարած տուգանելով հարց չի լուծվում: Այդ 150-600 հազար դրամի չափով տուգանքները կարող է մեծ բիզնեսի համար չնչին գումար են, բայց մանր բիզնեսը դրանով կարող է ոչնչանալ: Մանր բիզնեսի ներկայացուցիչներ կան, որ ամսական այդ 150 հազար դրամը տուն չեն հասցնում, չեն վաստակում»,- նշեց նա:

Ըստ Գրիգորյանի՝ մինչև այսօր գործարարը համոզված է եղել, որ իր վճարած հարկերը գնացել են ոմանց գրպանը, հետևաբար, մարդկանց հետ պետք է աշխատանք տանել, որ իրավիճակ է փոխվել, որ իրենց տված հարկերը վերադառնում են իրենց:

«Ընդամենը երկու ամիս առաջ հարկային ծառայողները 30 տարի աշխատել են հետևյալ սկզբունքով՝ եթե չտուգանես, քո գործը կկորցնես, կարիերայի մասին մոռացիր: Եվ այդ հոգեբանությամբ մարդիկ դեռ աշխատում են այդ համակարգում: Կարելի է այս ՀԴՄ տուգանքները մի քիչ դադարեցնել, մինչև այդ մարդկանց հոգեբանությունը փոխվի, զուգահեռ նաև ՓՄՁ-ի հոգեբանությունը փոխվի: Երկու կողմն էլ պետք է բերվեն մաքուր աշխատանքի դաշտ, չոր ու կոպիտ մեթոդներով հարց չի լուծվում»,- նշեց Սամսոն Գրիգորյանը:

 

Lragir.am

Ովքեր են Ստեփանակերտում բողոքի ակցիա իրականացնողները. «նրանցից մեկը Վադիմ Ռաջաբի Գրիգորյան կամ Վադիմ Ռաջաբ օղլի Վելիևն է»

21.02.2020

Բողոքի ակցիա Արցախում․ կան բերման ենթարկվածներ

21.02.2020

«Իմ քայլը»դաշինքից ադրբեջանասեր պատգամավոր Մարիա Կարապետյանը քննարկում է դպրոցներում միասեռականության, սեռափոխության և այլ այլասերումների ու պղծությունների վերաբերյալ դասաժամերի ներմուծման անհրաժեշտության հարցը

17.02.2020

Կեցցե այն Հայաստանը, որտեղ «զինվորը» վերջին սերնդի ամենագնացով, թիկնազորով է պաշտպանում վարձակալած տունը

19.02.2020

«Ես գալիս եմ, տեղ ու ժամ ասա…».Մենուա Հարությունյանը`Պետրոս Ղազարյանին

22.02.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...