Ադրբեջանն իր ծովային զորքերն է բերել սահման ու դեռ խոսում է՞ ռազմական արկածախնդրության մասին. Արշակ Զաքարյան

Օրերս հայտնի դարձավ, որ պաշտպանության նախարարությունն ու ոստիկանությունը համաձայնության են եկել և պատրաստվում են համապատասխան որոշում կայացնել ոստիկանության ներքին զորքերի`սահմանում ծառայություն իրականացնելու վերաբերյալ:

ՀԱՅ ՁԱՅՆ-ի հետ զրույցում  կինոռեժիսոր, «Դիրքերում» հաղորդաշարի հեղինակ Արշակ Զաքարյանը կարծիք հայտնեց, որ դա կարևոր որոշում է: «Քանի որ ոստիկանության ներքին զորքերի քանակը շատ է, լավ կլինի՝ մի մասը դառնա պայմանագրային զինծառայող և մեր սահմանները պահի: Ես դա մայիսի վերջին առաջարկել եմ ու հայտարարել այդ մասին, հետևաբար այս որոշումն ինձ գոհացնում է: 

Երկրիներսում մենք ի՞նչ ենք անում այդքան զորքերը, ո՞ւմ դեմ ենք պայքարում»,-նշեց Զաքարյանը:

Անդրադառնալով Ադրբեջանի ԱԳՆ խոսնակ Հիքմեթ Հաջիևի հայտարարությունը, թե Հայաստանում այս որոշման ընդունումը «ռազմական արկածախնդրություն» է՝Զաքարյանը նշեց. «Ադրբեջանն իր ծովային զորքերն է բերել սահման ու դեռ խոսում է՞ ռազմական արկածախնդրության մասին: Ծովը որտե՞ղ է սահմանին, կասե՞ք, որ ծովային զորքեր են բերում: Այնպես որ, իրենք ինչ ուզում են թող ասեն կամ մտածեն, մեզ իրենց կարծիքը չի հետաքրքրում»:

Ինչ վերաբերում է այն հարցին,  որ կա մտավախություն, թե այս որոշումը պայմանավորված է սահմանային լարվածության աճով, Արշակ Զաքարյանը պատասխանեց. «Չեմ կարծում, թե դրանով է պայմանավորված»:

Նմանատիպ նորություններ

«Թող միանգամից Սուրբ Նիկոլի օր սահմանեն եւ սրբադաս... Կառավարությունն այսօր հավանություն տվեց օրենքի նախագծին, որով առաջարկվում է ապրիլի վերջին շաբաթ օրը նշել որպես Քաղաքացու օր` ի նշանավորումն 2018 թ...
Շիրխանյանի բաց նամակի հետքերով.Գարեգին Պետրոսյան... Երեկ համացանցում հայտնվեց պաշտպանության նախարարի նախկին տեղակալ Վահան Շիրխանյանի բաց նամակը ուղղված ՀՀ երկրորդ նախագահ Ռոբերտ Քոչարյանին։ Նման ...
«Ուրալյան ավիաուղիները» դեպի Երևան չվերթներ իրական... «Armeniasputnik»-ի տեղեկացմամբ, «Ուրալյան ավիաուղիներ» ավիաընկերությունը չեղարկել է 67 ուղղություններով չվերթեր իրականացնելու թույլտվությունը։ Այդ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով