Արարատ Միրզոյանի զբաղեցրած պաշտոնը հակասահմանադրական է. Մարուքյանը չի փոխել իր կարծիքը

Երբ ՀՀԿ-ական կառավարությունը ԱԺ բերեց օրենք, ըստ որի  կառավարությունը պետք է ունենար նաև առաջին փոխվարչապետի պաշտոն, որը նախատեսված չէ ՀՀ Սահմանադրությամբ, ընդդիմադիր պատգամավորները մեծ աղմուկ բարձրացրեցին:

 Առաջին փոխվարչապետի պաշտոն ստեղծելու հետ մեծ անհամաձայնություն ունեին ԵԼՔ դաշինքի պատգամավորները, իսկ դաշինքի պատգամավոր Էդմոն Մարուքյանը փետրվարի 8-ի իր ելույթում նման պաշտոնի առկայությունը անվանեց հակասահամանդրական. «Մենք չենք կարող առաջին փոխվարչապետի պաշտոն ունենալ, և ըստ էության դա իրենից հիերարխիա է ներկայացնում: Եթե մենք սա չենք ուղղում, ունենում ենք հակասահմանադրական օրենք:

Կարո՞ղ ենք ասել՝ պատգամավորի տեղակալը ընդունում է քաղաքացիներին: Սա ըստ էության նույն բանն է: Մենք չունենք էդպիսի պաշտոն, սա հակասահմանադրական է»,- հայտարարել էր Էդմոն Մարուքյանը:

Հիմա արդեն նախկին ընդդիմությունն է եկել իշխանության, սակայն զարմանալիորեն շարունակվում է պահպանվել հակասահամանդարական հռչակված պաշտոնը: Այս հարցի կապակցությամբ Politik.am-ը հարցում ուղարկեց ԱԺ պատգամավոր Էդմոն Մարուքյանին՝ պարզելու համար, արդյո՞ք շարունակում է նշված պաշտոնը համարել հակասահմանադրական, երբ այն զբաղեցնում է իր թիմակիցը: Մեր հարցմանն ի պատասխան, Էդմոն Մարուքյանը արձագանքել էր կարճ.«Ելույթս ուժի մեջ է»:

Ազատություն ռադիոկայանի եթերում ՀՀ առաջին փոխվարչապետ Արարատ Միրզոյանը խնդրի վերաբերյալ բարձրաձայնված մեր հարցին պատասխանեց. «Տեսեք, սահմանադրության մեջ ասվում է փոխվարչապետեր, բայց կա «Կառավարության կառուցվածքի և գործունեության» մասին օրենք, որը սահմանում է առաջին փոխվարչապետի ինսիտուտը:

Մենք ելնում ենք գործող օրենքից…..Մենք ասե՞լ ենք, որ սահմանադրությամբ նման բան նախատեսված չէ, իհարկե: Այս պաշտոնի վերացման տարբերակ գուցե և լինի ապագայում, բայց էս պահին մեր օրակարգում ունենք բազմաթիվ անհապաղ լուծման հարցեր»,-իր խոսում նշել էր առաջին փոխվարչապետ Արարատ Միրզոյանը՝ շեշտելով, որ պաշտոնը հակասահմանադրական չէ:

«Նուբար Աֆեյանի ընկերության արտադրած պատվաստանյութն անվանել է ՄԱՀ՝ վստահեցնելով, որ պատվաստումներից հետո ժամանակի ընթացքում մարդկանց մոտ առաջանալու են քաղցկեղային հիվանդություններ».Վահե Աղաջանյան

03.07.2020

ՀՀԿ-ն մտնում է քաղաքական ակտիվության նոր փուլ

03.07.2020

Ինչու՞ եք զարմացած։ Չէ՞ որ այս այլասերվածները գտնվում են ձեր սիրելի ու պաշտելի Վոժդի անմիջական հովանու ներքո

01.07.2020

Այսօր վտանգը մեր դռան մոտ է

01.07.2020

«Սորոսի կողմից հովանավորվող տռանս պոռնիկները գալու են ձեր տուն, ձեր երեխաների հետևից».Նարեկ Մալյան

06.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով