Ո՞ւմ անուններն են շրջանառվում ապագա կառավարությունում

Загрузка...

Այս օրերին տարբեր անուններ են շրջանառվում, թե ով է մնալու, ով է գնալու և ով է գալու Նիկոլ Փաշինյանի կառավարություն։

168.am-ի տեղեկություններով՝ այժմ ՀՀ պաշտպանության նախարարի թեկնածու է դիտարկվում Սեյրան Օհանյանը, Կրթության և գիտության նախարար՝ Երևանի ավագանու «Ելք» խմբակցության անդամ Արայիկ Հարությունյանը, Բնապահպանության նախարար՝ ԱԺ «Ելք» խմբակցության պատգամավոր Լենա Նազարյանը, իսկ ՀՀ փոխվարչապետի պաշտոնակատար Վաչե Գաբրիելյանը և  ՀՀ տնտեսական զարգացման և ներդրումների նախարար Սուրեն Կարայանը, հնարավոր է, պահպանեն իրենց տեղերը նոր կաբինետում։

«Քաղաքացիական պայմանագիր» կուսակցության վարչության անդամ, Երևանի ավագանու «Ելք» խմբակցության անդամ Արայիկ Հարությունյանը 168.am-ի հետ զրույցում ոչ հերքեց, ոչ հաստատեց շրջանառվող լուրերը։

«Իհարկե, այժմ օրակարգում կառավարության ձևավորման հարցն է, և տարբեր քննարկումներ կան, բայց պաշտոնների ու մնացած հարցերի հետ կապված որևէ մեկնաբանություն այս պահին չեմ կարող անել»,- ասաց Արայիկ Հարությունյանը։

Դիտարկմանը, որ ՀՀ վարչապետ Նիկոլ Փաշինյանն արդեն ստորագրել է Վլադիմիր Գասպարյանին՝ ՀՀ ոստիկանության պետի, Գեորգի Կուտոյանին՝ ԱԱԾ տնօրենի պաշտոնից ազատելու մասին՝ ՀՀ նախագահին ուղղված առաջարկությունը, արդյոք արդեն որոշվա՞ծ է, թե ով է փոխարինելու նրանց, Ա. Հարությունյանը պատասխանեց.

«Դա էլ է քննարկումների ընթացքում։ Այս պահին կա որոշումը՝ պաշտոնանկ անելու այն մարդկանց, ում մասին Նիկոլ Փաշինյանը հայտնել է»։

Հարցին, թե որքանո՞վ է հնարավոր նախկին պաշտոնյաների վերադարձ, Ա.Հարությունյանը նույն համատեքստում  պատասխանեց.

«Այժմ քննարկվում են տարբեր թեկնածուներ, նախկինների, ներկաների, ապագայի թեկնածուների վերաբերյալ չեմ կարող մեկնաբանություն անել»։

Նա նշեց, որ առաջիկա օրերին՝ օրենքով սահմանված կարգով և ժամկետներում, կառավարության կազմը կներկայացվի։

Սեյրան Օհանյանը մեզ հետ հեռախոսազրույցում հերքեց, որ իր թեկնածությունը դիտարկվում է ՀՀ պաշտպանության նախարարի պաշտոնի համար։

«Ես խնդրում եմ ձեզ, հեռախոսով ինձ հարցեր մի տվեք, այդ հարցերն ինձ չեն վերաբերում։ Տվեք նրան, ով զբաղվում է դրանով»,- ասաց Ս. Օհանյանը՝ հավելելով, որ Նիկոլ Փաշինյանի հետ խոսակցություն ինքը չի ունեցել։

Ի դեպ, լուրեր էին նաև շրջանառվում, թե «Քաղաքացիական պայմանագիր» կուսակցության  վարչության նախագահ, ԱԺ «Ելք» խմբակցության պատգամավոր Սասուն Միքայելյանը, հնարավոր է, զբաղեցնի Կոտայքի մարզպետի պաշտոնը:

Սասուն Միքայելյանը մեզ հետ զրույցում հերքեց  այդ տեղեկությունները:  «Հերյուրանքներ են»,- ասաց Ս.Միքայելյանը։ Հարցին, թե ո՞ր պաշտոնում է հավանական իր նշանակումը, Ս. Միքայելյանը պատասխանեց. «Ոչ մի բան դեռ չի քննարկվել։ Ես պայքարել եմ ժողովրդի ազատության համար, ոչ թե պաշտոնների»։

Դեռևս վերջնականապես հայտնի չէ՝ արդյոք ՀՅԴ-ն և «Բարգավաճ Հայաստանը» պորտֆելներ կստանձնե՞ն նոր կառավարությունում: Մեր տեղեկություններով՝ երկու կուսակցությունների ղեկավարներն այս օրերին ՀՀ վարչապետ Նիկոլ Փաշինյանի հետ հանդիպումներ են ունենում՝ վերջնականապես որոշելու այդ հարցը:

ԱԺ ՀՅԴ խմբակցության քարտուղար Արմենուհի Կյուրեղյանը մեզ հետ զրույցում նշեց, որ Նիկոլ Փաշինյանի վարչապետ ընտրվելուց հետո ՀՅԴ խմբակցության հետ հանդիպում չի եղել։ Հարցերին, թե ե՞րբ կկայանա հանդիպում, կամ քննարկվե՞լ է համաձայնության կառավարության ձևավորմանը ՀՅԴ-ի մասնակցությունը, Ա.Կյուրեղյանը պատասխանեց, որ նախ հանդիպման հարցը պետք է քննարկվի ՀՅԴ խմբակցության ղեկավարի հետ, ապա որոշվի, թե այն ե՞րբ կկայանա։

«Իմ քայլը»դաշինքից ադրբեջանասեր պատգամավոր Մարիա Կարապետյանը քննարկում է դպրոցներում միասեռականության, սեռափոխության և այլ այլասերումների ու պղծությունների վերաբերյալ դասաժամերի ներմուծման անհրաժեշտության հարցը

17.02.2020

«Բա Սերժ Սարգսյանը թույլ կտար,որ Ալիևը մոռանա Սումգաիթն ու Բաքվի ջարդերը,Թալիշը ու ապրիլյանը».Վահան Բաբայան

15.02.2020

Կեցցե այն Հայաստանը, որտեղ «զինվորը» վերջին սերնդի ամենագնացով, թիկնազորով է պաշտպանում վարձակալած տունը

19.02.2020

Տեսաք չէ՞՝ վերջում Ալիևը ինչ ասեց, որ իբր 19-րդ դարի սկզբին Երևանի բնակչության մեծ մասը ադրբեջանցիներ են եղել

16.02.2020

Ես դիմում եմ ՀՀ ԱԱԾ-ին.Արշակ Զաքարյան

14.02.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...