2017-ին սպանվել է Թուրքիայի ԶՈւ 197 զինծառայող. Թուրքիայի ԶՈւ ԳՇ

Загрузка...

2017-ի հունվարի 1-ից դեկտեմբերի 31-ը Թուրքիայում և դրա սահմաններից դուրս՝ մասնավորապես Իրաքի հյուսիսային շրջաններում և Սիրիայում, «Քրդստանի աշխատավորական կուսակցության» (PKK) և «Իսլամական պետություն» ահաբեկչական խմբավորման դեմ գործողություններում սպանվել է Թուրքիայի բանակի 197 զինծառայող, վիրավորվել է 766-ը: Այս մասին հայտնի է դառնում Թուրքիայի ԶՈւ ԳՇ հրապարակած զեկույցից:

Թուրքիայի պաշտոնական տվյալներով՝ 197 զինծառայողից 67-ը սպանվել են Սիրիայում «Եփրատի վահան» գործողության ժամանակ: Սակայն հատկանշական է, որ այդ գործողությունը Թուրքիայի զինուժը իրականացրել է 2016-ի օգոստոսի 24 — 2017-ի մարտ 29-ը ժամանակահատվածում։ Քանի որ Թուրքիայի ԶՈՒ ԳՇ զեկույցը վերաբերում է միայն 2017 թ․, տրամաբանորեն 67-ը ևս այդ գործողության միայն 2017 թ․ փուլում գրանցված կորուստները պետք է լինեն։ Սակայն այստեղ որոշակի հակասություն է առաջանում Թուրքիայի ԶՈՒ ԳՇ և ՆԳՆ հայտարարությունների միջև։

Թուրքիայի Ներքին գործերի նախարարության տվյալների համաձայն՝ Թուրքիան Սիրիայում «Եփրատի վահան» գործողության ընթացքում կորցրել է 71 զինծառայող: Թուրքիայի ԶՈՒ ԳՇ և ՆԳՆ տվյալների համադրությունը ցույց է տալիս, թե Թուրքիայի զինուժը 2016 թ․ օգոստոսից մինչև 2017 թ․ սկիզբ պետք է ընդամենը 4 զինծառայող կորցրած լիներ։ Սա չի կարող հաապատասխանել իրականությանը, քանի որ նախ դա գործողության ամենաակտիվ ժամանակահատվածն էր, բացի այդ էլ՝ միայն թուրքական կողմի պաշտոնական տվյալները ավելի մեծ թվով կորուստների մասին են վկայում։

Նշենք, որ ամբողջ 2017-ի ընթացքում Թուրքիայի ուժայինները շարունակել են երկրի արևելյան և հարավարևելյան նահանգներում PKK-ի դեմ գործողությունները: Բացի այդ, Թուրքիան նաև ցամաքային գործողություններ է իրականացրել Իրաքի հյուսիսային շրջաններում:

Ըստ Թուրքիայի ԶՈւ ԳՇ տվյալների՝ 2017-ի ընթացում թուրք ուժայինները երկրի տարածքում և դրա սահմաններից դուրս «շարքից հանել են» PKK-ի 3239 և «Իսլամական պետության» 3777 զինյալի, ընդհանուր առմամբ՝ 7016 զինյալի:

Ներկայում թուրքական զորքերը նաև տեղակայված են Սիրիայի հյուսիսի երկու հատվածներում՝ Ջերաբլուսից Ազազ ընկած հատվածում և Իդլիբ նահանգում՝ մասնավորապես Իդլիբ-Աֆրին «սահմանի» երկայնքով: Իդլիբում թուրքական զորքերի տեղակայումը արվում է Աստանայում Սիրիայի հարցով բանակցությունների ժամանակ Իրանի և Ռուսաստանի հետ ձեռքբերված համաձայնությունների շրջանակներում:

Ներկայում Իդլիբում ռազմական գործողություններ է իրականացնում նաև Սիրիայի կառավարական բանակը, ինչն անհանգստացնում է թուրքական կողմին: Թուրքիայի իշխանությունները «պահանջել են» Ռուսաստանից և Իրանից, որպես Սիրիայում հրադադարի երաշխավոր երկրներ, կանգնեցնել Ասադի բանակին:

Իրավիճակը սիրիայում 2017 թ. հոկտեմբերին, ըստ թուրքական աղբյուրների

Իրավիճակը սիրիայում 2017 թ. հոկտեմբերին, ըստ թուրքական աղբյուրների

 

Razm.info

Նմանատիպ նորություններ

Իրաքի մուսուլմանների առաջնորդը կոչ է արել Թուրքիայ... Իրաքի Ազգային կրոնական խորհրդի նախագահ շեյխ Յուսիֆ ալ Նասրին հայտարարել է, որ Թուրքիան պետք է հայերից ներողություն խնդրի «իր արարքների համար»՝ նկա...
«Տաշիր» ընկերությունը 500.000 դոլար է փոխանցել Արց... Օրերս տեղի է ունեցել «Տաշիրի» բարեգործական հիմնադրամի հոգաբարձուների խորհրդի նիստը, որի ժամանակ որոշվել է հիմնադրամի կողմից Ար...
Ինչու է Բաքուն Արցախից 100 կմ հեռավորության վրա հա... Ադրբեջանը ռազմական ինքնաթիռների հարվածային խումբ է տեղակայել Արցախի Հանրապետության հետ շփման գծից 100 կմ հեռավորության վրա գտնվող օդանավակ...
Նախագահը շնորհավորական ուղերձ է հղել Մայրության և ... Արցախի Հանրապետության նախագահ Բակո Սահակյանը շնորհավորական ուղերձ է հղել Մայրության և գեղեցկության տոնի կապակցությամբ: «Սիրելի՛ կանայք, Արցախի...
Տրանսգենդերին ԱԺ էր հրավիրել «Իմ Քայլ»-ի պատգամավ... Այսօր Մարդու իրավունքների պաշտպանության հանձնաժողովի հրավիրած հանրային լսումների ժամանակ արտառոց միջադեպ է գրանցվել։  Լսումների ժամանակ ամբիոնին է...
Ադրբեջանական բանակը ցանկացած պահի կարող է սկսել պա... Ադրբեջանի Պաշտպանության նախարար Զաքիր Հասանովը հայտարարել է, որ ադրբեջանական բանակը ցանկացած պահի կարող է սկսել պատերազմը Արցախի դեմ: «Մենք այլ...
Ղարաբաղի յուրաքանչյուր գյուղում, յուրաքանչյուր քաղ... Ղարաբաղի յուրաքանչյուր գյուղում, յուրաքանչյուր քաղաքում կծածանվի Ադրբեջանի դրոշը: Այդ մասին հայտարարել է Ադրբեջանի առաջին տիկին, առաջին փոխնախագահ...
Հակված եմ ասելու, որ պատերազմ լինելու է․ Լևոն Մնաց... Արցախը դե ֆակտո անկախ է, ինչը պետք է հաստատվի նաեւ դե յուրե, եւ այդ հարցի լուծման ճանապարհը ռազմական գործողություններն են, որոնք վաղ թե ուշ կլինեն...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...