«Քաղաքային տրանսպորտի և տաքսու սակագները չեն բարձրանա. կթանկանան միջմարզային տրանսպորտի սակագները». Բաբկեն Պիպոյան

«Թանկացումների վերաբերյալ բողոքները, ցավոք սրտի, անհույս շատ են»,- 168.am-ի հետ զրույցում ասաց «Իրազեկ և պաշտպանված սպառող» հասարակական կազմակերպության նախագահ Բաբկեն Պիպոյանը:

Նրա խոսքով՝ բողոքները ոչ թե առարկայական գալիս են՝ փաստելու, որ քաղաքացին ունի դժգոհություն, այլ՝ քաղաքացին ունի մեծ մտավախություն. «Որովհետև նախորդ տարեվերջին տեսանք, թե գնաճի ինչ մեծ ալիք եղավ, և նոր տարին էլ սկսվեց հեղուկ գազի և դիզվառելիքի թանկացումներով: Բնականաբար, շատերը կարծում են, որ սա կարող է ունենալ նաև հետևանք՝ այլ ծառայությունների կամ ապրանքների գների գոյացման հարցում: Իրականում դժգոհություն կա և՛ դիզվառելիքի, և՛ գազի թանկացումից, բայց նաև կա մեծ մտավախություն, որ սա ունենալու է շարունակական բնույթ»:

Հարցին, թե կա՞ ապացույց, որ այդ թանկացումներն արդեն ազդել են նաև այլ ծառայությունների կամ ապրանքների գների վրա՝ Բ. Պիպոյանն այսպես պատասխանեց.

«Ապացույցի կարիք չկա: Կան ծառայություններ, որոնց ինքնարժեքում դիզվառելիքն ու հեղուկ գազն ունեն մեծ ազդեցություն, մասնավորապես՝ տրանսպորտային ոլորտում: Օրինակ, բիզնեսի կողմից որքան էլ ցանկությունը մեծ լինի՝ տաքսի ծառայությունների ոլորտում գնի թանկացման գնալ, այստեղ ինչ-որ զսպող բաներ կան, օրինակ, մեծ մրցակցությունը, նոր օպերատորների գալը, նաև կյանքի սոցիալ-տնտեսական պայմանները և գումար վաստակելու բարդությունները: Տաքսու վարորդի միջին վարձատրությունը մեր երկրում (որքան էլ վարորդը դժգոհ լինի) նվազագույն աշխատավարձից կամ անգամ պետական որոշ պաշտոնյաների իրական աշխատավարձից բարձր է:

Այս տեսանկյունից՝ շատերը չեն թանկացնի, որպեսզի հանկարծ չզրկվեն հանապազօրյա հացի գումարներից: Մյուս կողմից՝ նաև կա հասարակության անվճարունակության խնդիրը, եթե տաքսու գինը թանկանա, կնվազեն պատվերների քանակները, և, ի վերջո, վարորդն էլի չի աշխատի այն գումարը, ինչ աշխատում է այսօր: Սա կհանդիսանա զսպաշապիկ, որպեսզի տաքսին չթանկանա»:

Բ. Պիպոյանը գտնում է՝ քաղաքային տրանսպորտը ևս չի թանկանա առաջիկայում, քանի դեռ չի դրվել նոր տրանսպորտային ցանցի մոդելը. «Դրան հակառակ՝ միջքաղաքային տրանսպորտը կթանկանա, և ավելին, մի քանի օրվա մեջ արդեն ունեցել ենք գծեր, որոնք թանկացել են, օրինակ, Հրազդան-Երևանը»:

Մեր այն հարցին էլ, թե տրանսպորտային թանկացումներից բացի՝ ուրիշ ի՞նչ ծառայությունների գներ կթանկանան՝ Բ. Պիպոյանը պատասխանեց, որ որոշակի ծառայությունների մեջ, որտեղ գազ կամ դիզվառելիք շատ է օգտագործվում, բնականաբար, ինքնարժեքների փոփոխություն կարող է տեղի ունենալ:

 

 

168.am

Դեղերդ խմիր, տուպիցա.Աննա Հովները՝Փաշինյանին

19.05.2020

Սերժ Սարգսյանի ասուլիսը իրոք կարող է լինել այն քաղաքական «երկրաշարժը»,որի «փլատակների» տակ շատերը կարող են հայտնվել.Վահան Բաբայան

19.05.2020

«Ստիպված եմ հերթական անգամ հիասթափեցնել Ռուբեն Հայրապետյանին մեղավոր կարգողներին…».Ամրամ Մակինյան

22.05.2020

Սերժ Ազատի Սարգսյանի մասնակցությամբ կայանալիք դատական նիստը կհետաձգվի.Ամրան Մակինյան

20.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով