Փրկչի Ծնունդը

«Ծնաւ այսօր Փրկիչ» (Ղուկաս Բ 11):

«Ավետի՜ս մեծ Խորհրդոյ, Խորհուրդ ծածկեալ մեզ յայտնեցաւ»:

Սուրբ Գր. Նարեկացի

Տարվա մեջ երկու տոն քրիստոնյա աշխարհի համար բացառիկ նշանակություն են ստացել՝ Ծննդյան և Հարության տոները: Ըստ երևույթին դրանք բոլորովին տարբեր հիշողություններ են… Թե՛ առաջինը և թե՛ երկրորդը մեզ համար նշանակություն են ստացել Հիսուսի փրկչական գործունեությամբ. մեկը կապված է Նրա ապագայի, մյուսը՝ անցյալի հետ: Հարության տոնի մեջ ավելի գաղափարական շեշտ կա, և առաքելական քարոզչության ժամանակ առավել կարևորություն է ստացել, բայց Ծնունդն էլ հետագա դարերում դարձել է ավելի սիրելի ու ժողովրդական:

Ավետարանական ավանդությունների համաձայն՝ Հիսուսի Ծնունդը աստվածային էր և գերբնական: Աստվածային է Նրա անձնավորությունը, Նրա հավա՛տը դեպի երկնավոր Հայրը, Նրա սե՛րը դեպի մերձավորը, Նրա ամբողջ հայտնությունը: Պատմության մեջ շատ կան հանճարեղ մարդիկ, բայց ո՞վ է Հիսուս Քրիստոսի նման: Նրանք ամենքը մարդ են՝ նկատելի և շոշափելի իրենց ստվերներով և սահմանավոր կատարելություններով, բայց այստեղ Աստվածայինն Իր մաքրությամբ մարմին է ստացել մարդկային կերպարանքով: Ավետարանի խոսքի համաձայն՝ Բանը մարմին է դարձել: …Պատմության ամենավսեմ Խորհուրդն է այս Ծնունդը, որի առաջ միայն պետք է լռի բանականությունն ու մարդկային տկար իմաստությունը, և նրա սրտից պետք է միայն որպես կնդրուկի անուշ բուրմունք դեպի երկինք բարձրանա անհուն երախտագիտության և գոհության զգացումը:

Արդարև, այսօրվա տոնը մի մեծ մարդու ծննդյան հիշատակ չէ, այլ ավելին: Բեթղեհեմի մսուրքի իրողությունը մարդկային պատմության օրհնության աղբյուրը դարձավ: Հրեշտակի ավետիսը՝ «Ծնաւ ձեզ այսօր Փրկիչ», միլիոնավոր մարդկանց սրտի մեջ արձագանք գտավ դարերի ընթացքում և նրանց դասակից արեց հրեշտակների հետ՝ օրհնելու Աստծո անունը. «Փա՜ռք ի բարձունս Աստուծոյ»:

Այսօր մարդկության առաջ է դրված Բարձրյալի ամենամեծ նվերը՝ մանուկ Հիսուսի Ծննդյամբ: Խավարի ստվերների մեջ խարխափող մարդկության համար Բեթղեհեմի մսուրից փրկության և լույսի մի նոր աստղ է ծագել. հանդես է եկել Աստծո Հոգին՝ երկրավոր նժդեհի կերպարանքով: Բարձրագույն Բարին, Գեղեցիկն ու Ճշմարիտը երկնային եթերներից իջել է այսօր երկրի վերայ: Աստված մարմնացել է մարդու մեջ, որպեսզի մարդն էլ Աստվածության հասնի: Այսպես են ձևակերպել եկեղեցու հայրերը Քրիստոսի Ծննդյան բարոյական խորհուրդը…: Մարդկության Փրկիչն է ծնվել այսօր, նրա հոգու Առաջնորդը:

… Այսօրվա հոգևոր երգերն ու սրբազան ընթերցվածները մեզ դեպի մսուր են հրավիրում՝ ծունկ խոնարհելու այն երկնային Մանկան առաջ, որ մեր Փրկիչը հանդիսացավ. «Խորհուրդ մեծ եւ սքանչելի, որ յայսմ աւուր յայտնեցաւ»: …Թող լռի՛ ամեն մի քննություն, և հարություն առնի խղճի մաքուր ձայնը: Լսե՛նք պատմության խորին խորհուրդների սոսափյունը մեր ականջին, որ հրեշտակի ավետման կրկնությունն է. «Ծնաւ ձեզ այսօր Փրկիչ»:

Օրհնյա՛լ լինի Քո Ծնունդը, օրհնյա՛լ՝ Քո հայտնությունը, օրհնյա՛լ և պտղաբե՛ր՝ Քո ցանած սիրո, եղբայրասիրության, փոխադարձ կարեկցության և գնահատանքի սերմերը, որ հիմքն է անհատների, ազգերի և մարդկության խաղաղության և հաճության, որ քարոզվեց հրեշտակների բերանով Քո Ծննդյան առթիվ:

Գարեգին Հովսեփյան
«Արարատ», հունվար, 1908 թ.

Սկզբնաղբյուր՝ «Շողակն Արարատյան» երկշաբաթաթերթ

Նմանատիպ նորություններ

«Շատ զարմանալի բաներ են տեղի ունենում հոսանքի վճար... ԱԺ ԲՀԿ խմբակցության պատգամավոր Արմեն Աբովյանը ֆեյսբուքյան իր էջում գրել է. «Ժողովուրդ ջան, իմ անունից ևս հաստատում եմ, որ շատ զարմանալի բաներ են տ...
Ադրբեջանցին փորձում է չեչենների հետ կոնֆլիկտը ջար... ՍԱ ԷՆ ՀԱՅ ՏՂԵՆԱ, ՈՐ ՉԵՉԵՆՆԵՐԻ ԿՈՆՖԼԻԿՏԻ ՀԵՏ ԿԱՊՎԱԾ ԱՄԲՈՂՋ ՄԵՂՔԸ ՈՒԶՈՒՄ ԵՆ ՋԱՐԴԵՆ ԳԼԽԻՆ։ ԷԴ ՖԱՈՒԴ ԱԲԱՍՈՎԻ ՀԱՐՑԵՐԸ ԼՈՒԾԵՔ, ԱՍՈՒՄ ԵՆ ՕՐԵՆՔՈՎ ԴԱՏԱ ՀԱՍՆՈՒՄ...
«Դավիթ Սանասարյանի հայտարարությունը բացարձակ սուտ ... «Հետք» կայքում երեկ ««Պետական մակարդակով բիզնես են խլում». տնտեսվարողը մեղադրում է Դավիթ Սանասարյանին» վերտառությամբ հոդվածի հրապարակումից հետո Պե...
Ալիևը շարունակաբար սպառնում է Արցախին և Հայաստանին... Փաշինյանը կամ մոլորության մեջ է,կամ ինքն է ժողովրդին մոլորեցնում։ Երկու դեպքում էլ նա պետք է հեռանա։ 1988թի փետրվարի 20-ը ոսկե տառերով է գրված...
Կազմվել է պաշտոն զբաղեցնող սեռական փոքրամասնությու... «Հեղափոխությունից հետո ակտիվացել են, այսպես կոչված, «լիբերալ» գաղափարներ կրող կերպարները: Հենց նրանք են, որ փորձում են այսօր հայ ավանդական հասարակ...
Շնորհավորո՛ւմ եմ Արցախի վերածննդի օրվա առթիվ. Վահա... Սիրելի՛ հայրենակիցներ, Այսօր պատմական օր է: 31 տարի առաջ այս օրերին Ստեփանակերտի հանրահավաքները բացեցին նոր պատմական ժամանակաշրջան բոլորիս համ...
Այսօր Արցախի վերածննդի օրն է, ղարաբաղյան շարժման հ... Սիրելի հայրենակիցներ, Այսօր Արցախի վերածննդի օրն է, ղարաբաղյան շարժման հերթական տարեդարձը: Շնորհավորում եմ ձեզ: Ուղիղ մեկ տարի առաջ այս օրը Ստ...
«Նիկոլի երբևէ ունեցած ամենավատ ելույթն էր Դսեղի ել... Նիկոլի երբեւէ ունեցած ամենավատ ելույթն էր Դսեղի այսօրվա ելույթը։ Նախ, Թումանյանը բոլորովին աղքատ մարդ չի եղել, սերել է բավականին հարուստ գերդաս...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով