Երթևեկության ո՞ր կանոնների խախտման հետևանքով տեղի ունեցավ երկու ոստիկանի կյանք խլած վթարը. մեկնաբանում են փորձագետները

Ճվճվ Արոյի որդու մասնակցությամբ վթարը, որի հետևանքով երկու ոստիկան է մահացել, շարունակում է հասարակական լայն քննարկման թեմա մնալ: Այսօր հրապարակվեց ամղկահարույց վթարի տեսանյութը, որտեղ երևում է, թե ինչպես է ԲՄՎ ավտոմեքենան սլանալիս բախվում խաչմերուկն անցնող Ճանապարհային ոստիկանության ավտոմեքենային: Տեսանյութը դիտելով` կարելի է եզրակացնել, որ ՃՈ ավտոմեքենան փողոցն անցնում է այն պահին, երբ մյուս ավտոմեքենաները շարունակում են տեղում կանգնած մնալ, իսկ մյուս մեքենան գերազանցել է թույլատրելի արագությունը:

Ի վերջո, ճանապարհային երթևեկության որ կանոնների խախտման հետևանքով է տեղի ունեցել մահվան ելքով վթարը, և ովքեր են մեղավորները: Այս հարցերի պատասխանները, թերևս, կստացվեն քննության ավարտին:

Իսկ մինչ այդ ArmLur.am-ը փորձեց որոշ հարցերի պատասխաններ ստանալ իրավապահ մարմիններից:

Ոստիկանության լրատվական ծառայությունից ArmLur.am-ին հորդորեցին դիմել ՀՀ քննչական կոմիտե: Այնտեղից էլ մեր հարցին ի պատասխան նշեցին, թե այս պահին չեն կարող հստակ որևէ պատասխան տալ` մինչ չստացվեն համապատասխան փորձաքննությունների պատասխանները:

ArmLur.am-ը զրուցեց փաստաբան Ռուբեն Բալոյանի հետ, ով նաև մասնագիտացած է ճանապարհատրանսպորտային պատահարների հարցերով: Վերջինս նշեց, թե տեսանյութում հստակ երևում է, որ ԲՄՎ ավտոմեքենայի վարորդը գերազանցել է արագությունը, սակայն Ճանապարհային ոստիկանության ավտոմեքենայի` կարմիր լույսի տակով անցնելու խոսակցությունների մասին հստակ որևէ բան չի կարող ասել:

Բալոյանը մեզ հետ զրույցում կարծիք հայտնեց, որ մինչ փորձաքննություններին սպասելը Սարգիս Վարդանյանին ձերբակալելը թերևս կապ ունի նրա հնարավոր փախուստը կանխելու հետ: Փաստաբանը նկատեց, որ վերջինս փախուստի էր դիմել նաև դեպքի վայրից, հետևաբար իրավապահների մտավախությունն այն է եղել, որ վերջինս կրկին կարող էր նման քայլի դիմել:

«Նման դեպքերում ձերբակալման որոշում կայացնում են` ելնելով այն հանգամանքից, թե ով է անձը: Բացի այդ, եթե ձերբակալվել է, չի նշանակում, թե մեղավոր է»,- նկատեց նա:

Իսկ փաստաբան Նիկոլայ Բաղդասարյանը մեկնաբանեց այսպես. «Բացառիկ դեպքերում կարելի է տեսանյութից ենթադրություններ անել: Չի կարելի հստակ ասել, թե որ կողմն է մեղավոր: Սակայն ենթադրվում է, որ ոստիկանական մեքենան խաչմերուկն անցել է կարմիր լույսի առկայությամբ, քանի որ ճանապարհի մյուս հատվածի տրանսպորտային միջոցները կանգնած էին: Իսկ մյուս կողմը վթարը կանխելու հնարավորություն է ունեցել: Առանց համապատասխան գործողությունների չենք կարող հստակ ասել, թե որ կողմն է մեղավոր: Տրանսպորտային միջոցի արագությունը միայն տեսանյութով չենք կարող որոշել»:

 

 

Armlur.am

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Ստիպված եմ հերթական անգամ հիասթափեցնել Ռուբեն Հայրապետյանին մեղավոր կարգողներին…».Ամրամ Մակինյան

22.05.2020

Սերժ Ազատի Սարգսյանի մասնակցությամբ կայանալիք դատական նիստը կհետաձգվի.Ամրան Մակինյան

20.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով