Հայաստանում տեղակայված ՌԴ 102-րդ ռազմաբազայի ավիացիոն նշանառուները «Ալագյազ» զորավարժարանում անցել են դաշտային հավաքների: Յոթօրյա վարժանքների ընթացքում խաղարկվելու են ԱԹՍ-ների միջոցով ավիացիայի կրակային ուղղորդման վարժանքներ: Այս մասին Razm.info-ին հայտնում են ՌԴ ԶՈւ հարավային ռազմական շրջանի մամուլի ծառայությունից:
Վարժանքները ընթանալու են 2 փուլով: Առաջին՝ տեսական, փուլում զինծառայողները ուսումնասիրելու են Հայաստանում ռուսաստանյան զորամիավորման սպառազինությունում առկա կործանիչ և բանակային ավիացիայի մարտավարատեխնիկական բնութագրերը, կիրառման պայմանները և անվտանգության կանոնները:
Գործնական փուլում զինծառայողները խաղարկելու են ԱԹՍ-ների միջոցով ՄիԳ-29 կործանիչների, Մի-8ՄՏ և Մի-24Պ ուղղաթիռների համար թիրախների ուղղորդման վարժանքներ:
Հավաքներին ներգրավվել է ավելի քան 100 զինծառայող և 50-ից ավել ռազմական և ավիացիոն տեխնիկա:
razm.info
