ԱՄՆ-ն կոչ է անում Հայաստանին և Ադրբեջանին ակտիվացնել դիվանագիտական համագործակցությունը և հասնել համապարփակ խաղաղության համաձայնագրի.Պետքարտուղարություն

ԱՄՆ-ն կոչ է անում Հայաստանին և Ադրբեջանին ակտիվացնել դիվանագիտական համագործակցությունը և հասնել համապարփակ խաղաղության համաձայնագրի, այս մասին լրագրողների հետ ճեպազրույցում հայտարարել է Պետդեպարտամենտի մամուլի խոսնակ Վեդանտ Պատելը։

Հարցին, թե ի՞նչ ակնկալիքներ ունի Պետքարտուղարությունը Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի բրյուսելյան այսօրվա հանդիպումից, Պատելը պատասխանել է. «Ես կարող եմ վերահաստատել այն, ինչ նախկինում ասել ենք՝ Միացյալ Նահանգները հավատարիմ է մնում Հարավային Կովկասի տարածաշրջանի անվտանգ, կայուն, ժողովրդավարական, բարգավաճ և խաղաղ ապագայի խթանմանը: Մենք կոչ ենք անում Հայաստանին ու Ադրբեջանին ինտենսիվացնել իրենց դիվանագիտական ներգրավվածությունն ու հասնել համապարփակ խաղաղության համաձայնագրի»: