Երեկ՝ հուլիսի 24-ին, մահվան ելքով վրաերթ է տեղի ունեցել Երևանում:
Հետևեք մեզ Տելեգրամում՝ t.me/lurer4news
shamshyan.com-ի հաղորդմամբ Ժամը 21:40-ի սահմաններում, Երևանի բնակիչ, 30-ամյա Դավիթ Հ.-ն՝ իր վարած Nissan Tiida մակնիշի ավտոմեքենայով, Աճառյան փողոցում՝ «Հարսնաքար» ռեստորանային համալիրի հարևանությամբ, վրաերթի է ենթարկել փողոցը չթույլատրելի հատվածով անցնող տղամարդ հետիոտնի: Վարորդը փախուստի չի դիմել, ահազանգել է շտապօգնություն, փորձել է օգնություն ցուցաբերել վրաերթի ենթարկվածին, սակայն օպերատիվորեն ժամանած բժիշկների հերթապահ խումբը արձանագրել է հետիոտնի մահը:
Դեպքի փաստով Վ. Բաղդասարյանի կողմից նախաձեռնվել է քրեական վարույթ:
Վարորդը տեղում ենթարկվել է սթափության փորձաքննության, նա եղել է սթափ:
Հետևեք մեզ Տելեգրամում՝ t.me/lurer4news
Պարեկային ծառայությունն ու քննչական բաժինը պարզում են մահացածի ինքնությունը: