Այսօր երեկոյան 21.00-ին «Համախմբում» շարժման անդամ Ավետիք Չալաբյանն ազատ կարձակվի ՔԿՀ-ից : Այս մասին հայտնել են Չալաբյանի փաստաբանները։
«Ավետիք Չալաբյանի կալանքի ժամկետը լրանում է 21.00-ին, նոր դատական ակտ, որով կերկարացվեր խափանման միջոցի կիրառումը, չկա, այսօր երեկոյան նա ազատ կարձակվի Քրեակատարողական հիմնարկից»,-լրագրողների հետ զրույցում ասաց Չալաբյանի փաստաբանական թիմի անդամ Արթուր Հարությունյանը:
Պաշտպան Վարազդատ Հարություննյան էլ հայտնեց, որ այսօր տեսակցել է Ավետիք Չալաբյանին, բուժմասի աշխատողները նրան տեղեկացրել են, որ Չալաբյանի մոտ զարկերակային ճնշման խնդիր է և տաքություն ունի.
«Չալաբյանը պնդել է, որ մասնակցի դատական նիստին, բայց բժիշկները կտրուկ արգելել են, ասել, որ իրավունք չունեն նրան թույլ տալ մասնակցելու այսօրվա դատական նիստին»,-ասաց Հարությունյանը: