Էդուարդ Վուլֆսոն. «Խաչատրյանի անվան մրցույթում ձևավորվել է հրաշալի մթնոլորտ ստեղծագործելու համար»

 

Այս օրերին Երևանում անցկացվում է Խաչատրյանի անվան 18-րդ միջազգային մրցույթը։ Չորս թավջութակահարներ պայքերում են ստուգատեսի հաղթողի կոչման համար։

Հետևեք մեզ Տելեգրամում՝ t.me/lurer4news

Ժյուրիի նախագահ Էդուարդ Վուլֆսոնը նկատում է, որ խաչատրյանական մրցույթը կազմակերպված է բարձր մակարդակով, ստեղծվել է հրաշալի մթնոլորտ ստեղծագործելու համար։ Նա ընդգծում է նաև, որ ձևավորվել է ժյուրիի շատ լավ կազմ. ոչ միայն թավջութակահարներ են ներգրավված ժյուրիի կազմում, այլև ջութակահարներ, մանկավարժներ, որոնք այս օրերի ընթացքում մեծ ուշադրությամբ ունկնդրում են մասնակիցներին՝ բացահայտելու լավագույն երաժշտին։ Մասնակիցների կատարողական մակարդակը, ըստ ժյուրիի նախագահի, տարբեր է։ Մրցակցությունը մեծ է, և նա նշեց, որ սպասում են երրորդ փուլին, որտեղ մասնակիցները հանդես կգան արդեն նվագախմբի հետ, և թավջութակահարներն իրենց վարպետությունը կցուցադրեն նաև նվագախմբի նվագակցությամբ։ «Ես երաշխավորում եմ, որ կունենանք փայլուն հաղթող»,- ասաց պարոն Վուլֆսոնը։

Նշենք, որ Խաչատրյանի անվան մրցույթը 2013 թվականից Ժնևում հիմնված «Միջազգային երաժշտական մրցույթների համաշխարհային ֆեդերացիայի» (WFIMC) անդամ է և գործում է ֆեդերացիայի սահմանած կանոններով։ Խաչատրյանական մրցույթի կազմակերպիչն է «Արամ Խաչատրյան-մրցույթ» մշակութային հիմնադրամը ՀՀ ԿԳՄՍ նախարարության աջակցությամբ։

 

Հետևեք մեզ Տելեգրամում՝ t.me/lurer4news

 

«Արամ Խաչատրյան-մրցույթ» մշակութային հիմնադրամ

 

 

Թողնել պատասխան

Ձեր էլ-փոստի հասցեն չի հրապարակվելու։

14 − two =