Չնայած Ալիևի պնդումներին՝ Ղարաբաղա-ադրբեջանական հակամարտությունը կարգավորված չէ եւ այն պետք է կարգավորվի նախեւառաջ Արցախի ժողովրդի ինքնորոշման իրավունքի անվերապահ իրացման ճանապարհովԱյս մասին տելեգրամյան իր ալիքում գրել է Արցախի պետնախարար Արտակ Բեգլարյանը՝ արձագանքելով Ադրբեջանի նախագահ Իլհամ Ալիևի հայտարարություններին։
«Ի հավելումն իրավական և պատմական բավարար հիմքերի, հայերի նկատմամբ ցեղասպան քաղաքականությունը և Ադրբեջանի կողմից համակարգային հայատյացությունը լրացուցիչ հիմք են տալիս ենթադրելու, որ Արցախը երբեք չի կարող լինել Ադրբեջանի կազմում՝ որևէ կարգավիճակով։
Արցախի ԶՈՒ-երը Փառուխից և Քարագլխից երբեք կրակ չեն բացել Խաչենի ջրամբարի և Ակնեի ուղղությամբ, իսկ եթե Ալիևը հակառակն ապացուցող փաստեր ունի, թող հրապարակի։ Փառուխի գրավումից շաբաթներ առաջ Ադրբեջանն կրակ է բացել, սադրիչ գործողություններ է իրականացրել՝ խաղաղ բնակավայրերի ուղղությամբ։
Գազատարի միտումնավոր պայթյունից հետո դրա ուշացումներով վերականգնումը ամենևին էլ բարի կամքի դրսեւորում չէ»,- նշել է Բեգլարյանը։
