ՀՀԿ փոխնախագահ Արմեն Աշոտյանը ֆեյսբուքյան իր էջում գրել է
Ծանր ժամանակները ստիպում են մեզ ավելի խմբվել, զգալ կողքինի արմունկը, շունչը, ներկայությունը։
Համոզվել, որ մենակ չենք։
Ներկա-բացակա անել մահաբեր 2020-ից եւ 2021-ից հետո։
Մարդիկ առավել քան երբեւէ ունեն հուսադրող խոսքի կարիք։
Ոչ թե սինթետիկ լավատեսության։
Լավատեսությունը շռայլություն է, որ մենք, հայերս, մեզ թույլ տալ չենք կարող։
Մեզ օդ ու ջրի պես պետք է անհուն հոռետեսությունից ծնված ապրելու իմաստ, պարտավորություն, քաջության։
«Շնորհավորում եմ» բառը չի արտաբերվում։
Լեզուդ չի պտտվում ասել այն։
Կարծես բերանային խոռոչդ դարձել է Եռաբլուրի հերթական գերեզմանախորշ։
Ցավն ավելի ուժեղ է, քան տասնամյակներով ձեւավորված ռեֆլեքսը…
Ուստի ես ձեզ չեմ «շնորհավորել», պարզապես իմ համերաշխությունն եմ հայտնում, ու շնորհակալությունս՝ որ կաք իմ կյանքում եւ իմ կողքին։