Կոչ եմ անում բոլորին, արթնանալ անտարբերության թմբիրից, Հունվարի 28-ին, ժամը 13.00-ին հավաքվել Հանրապետության Հրապարակում..Գևորգ Գևորգյան

 Ռազմական,հասարակական  գործիչ,Արցախյան  պատերազմի  ազատամարտիկ Գևորգ Գևորգյանը  ֆեյսբուքյան իր էջում գրել է.

Վաղը՝ Հայոց Բանակի 30-ամյա հոբելյանը մե´նք ենք տոնելու, մե´նք և բոլոր նրանք, ովքեր անցան ազատագրական պայքարի ճանապարհով, կյանքի ու մահվան եզրագծին կռիվ տալով հաղթանակներ կերտեցին, առաջնագծում կանգնած սահման պահեցին, բանակ հիմնադրեցին։
Կոչ եմ անում բոլորին, արթնանալ անտարբերության թմբիրից, Հունվարի 28-ին, ժամը 13.00-ին հավաքվել Հանրապետության Հրապարակում, դատարկ ու անշունչ չթողնել այն հրապարակը, որտեղ ժամանակին տարածաշրջանի ամենամարտունակ Հայոց Բանակի փառահեղ շքերթներն էին անցկացվում: Մինչ այդ, ժամը 11.00-ին, Հայելի ակումբի ուղիղ եթերում հանդես կգամ կոչով:
Մենք պարտավոր ենք նեցուկ լինել Հայոց Բանակի ուժին, որովհետև իրական խաղաղությունը Հզոր բանակով է միայն պաշտպանվում, և հարատևում՝ մեր միասնականությամբ:
Սա Արժանապատվության հավաք է:
Ովքեր գալու են Հանրապետության Հրապարակ, թող այս հրապարակման տակ արձագանքեն, ցույց տան, որ այս ԱԶԳԸ մեռած չէ, ճոռոմաբանությամբ ու պաթոսով դատարկախոսելու փոխարեն գործել և սեփական ճակատագիրը տնօրինել գիտե: Ես հավատում եմ ՀԱՅԻ ուժին:
Ի պատիվ Հայոց Բանակի:
Հանուն Ազգային Զարթոնքի:

Հետևեք մեզ Տելեգրամում՝ t.me/lurer4news

Թողնել պատասխան

Ձեր էլ-փոստի հասցեն չի հրապարակվելու։

9 + one =