«Փաստինֆո»-ն գրում է.
Քիչ առաջ ողբերգական դեպք է տեղի ունեցել Երևանում։ Ժամը 16։00-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել Երևանի 1-03 շտապօգնության բժիշկների հերթապահ խմբից, որոնք հայտնել են, որ Մալաթիա-Սեբաստիա վարչական շրջանի «Երևան սիթի» սուպերմարկետի վերելակի մոտ հայտնաբերել են տղամարդու դի։
Քննություն է կատարվում՝ «Երևան Սիթի» սուպերմարկետում 64-ամյա տղամարդու մահվան հանգամանքները պարզելու ուղղությամբ։
ՀՀ ոստիկանության Հասարակայնության հետ կապերի և լրատվության վարչությունից «Փաստինֆո»-ի հետ զրույցում հաստատեցին լուրը։ Դեպքի վայր է մեկնել օպերատիվ-քննչական խումբ։
«Դեպքի վայրում այս պահին համապատասխան գործողություններ են իրականացվում: Քննություն է կատարվում»,- նշեցին ոստիկանությունից։
Ըստ մամուլում շրջանառվող լուրերի՝ մահացած տղամարդն աշխատում է Երևան Սիթի սուպերմարկետում։
